સાબરકાંઠા / હિંમતનગરમાં શાકભાજીની હોલસેલ દુકાનમાં ભીષણ આગ, લાખોના નુકસાનની શક્યતા

સાબરકાંઠા: હિંમતનગરના પાણપુર પાટીયા નજીક આવેલી શાકભાજીની હોલસેલ દુકાનમાં અચાનક ભીષણ આગ લાગવાની ઘટના સામે આવી છે. આગના કારણે સમગ્ર વિસ્તારમાં અફરાતફરીનો માહોલ સર્જાયો હતો.

પ્રાથમિક માહિતી મુજબ, દુકાનમાં લાગેલી આગે જોતજોતામાં વિકરાળ સ્વરૂપ ધારણ કરી લીધું હતું. ફાયર વિભાગની ગાડી ઘટનાસ્થળે પહોંચે તે પહેલાં જ આગ વધુ પ્રસરી ગઈ હતી. જેના કારણે દુકાનમાં રહેલા માલસામાનને મોટું નુકસાન થયું હોવાની આશંકા વ્યક્ત કરવામાં આવી રહી છે.

પ્રાથમિક અનુમાન મુજબ, શોર્ટ સર્કિટના કારણે આગ લાગી હોવાનું માનવામાં આવી રહ્યું છે. જોકે, આગ લાગવાનું ચોક્કસ કારણ તપાસ બાદ જ સામે આવશે.

આ પણ વાંચોઃ ભુજમાં ₹1 લાખના બદલે ₹3 લાખની લાલચ આપી ઠગાઈ કરનારા બે શખ્સ ઝડપાયા

ઘટનાને પગલે દુકાન માલિકને મોટું આર્થિક નુકસાન થયું હોવાની શક્યતા છે. આગની ઘટનાથી સ્થાનિક વેપારીઓ અને આસપાસના લોકોમાં ચિંતાનો માહોલ જોવા મળ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ