શૈક્ષણિક / ડો. પૃથુલ દેસાઈની ગુજરાત યુનિવર્સિટીના કુલપતી તરીકે નિમણૂક, સુરતની કોલેજમાં પ્રોફેસર તરીકે કાર્યરત

ગુજરાત યુનિવર્સિટીમાં કાયમી કુલપતિની નિમણૂક કરી દેવાઈ છે. ડો. પૃથુલ દેસાઈની યુનિવર્સિટીના કુલપતી તરીકે નિમણૂક કરવામાં આવી છે. ડો. પૃથુલ દેસાઈ હાલ સુરતમાં પી ટી સાર્વજનિક સાયન્સ કોલેજ પ્રિન્સીપાલ તરીકે ફરજ બજાવી રહ્યાં છે. આવતા 5 વર્ષ માટે પૃથુલ દેસાઈ ગુજરાત યુનિવર્સિટીના કુલપતિનો હોદ્દો સંભાળી લેશે.

30 જુને જગદીશ જોશીની કાર્યકારી કુલપતિ તરીકે નિમણૂંક

ઉલ્લેખનીય છે કે 30 જુને પ્રો. જગદીશ જોશીની કાર્યકારી કુલપતિ તરીકે નિમણૂંક કરવામાં આવી હતી. પ્રો. જગદીશ જોશી ગુજરાત યુનિવર્સિટીના વરિષ્ઠ અને અનુભવી પ્રોફેસરોમાં (Professors) સ્થાન ધરાવે છે. તેઓ લાંબા સમયથી એચઆરડીસી (HRDC) ડિપાર્ટમેન્ટના વડા તરીકે કાર્યરત છે અને શૈક્ષણિક તેમજ વહીવટી કાર્યોનો બહોળો અનુભવ ધરાવે છે. યુનિવર્સિટીના વિવિધ પ્રશ્નો અને શૈક્ષણિક કાર્યકાળને સુચારુ રૂપે ચલાવવા માટે તેમની આ પસંદગી કરવામાં આવી હોવાનું માનવામાં આવી રહ્યું છે.

આ પણ વાંચોઃ ‘ચૂંટણી ચોરીનું કાવતરું’નો આરોપ, જન મહાભિયોગમાં ખડગેનો દાવો, 13.2 કરોડ મતદારોનાં નામ હટાવ્યા!

નીરજા ગુપ્તાનો કુલપતિ તરીકેનો કાર્યકાળ રહ્યો વિવાદીત

ડૉ નીરજા ગુપ્તાએ 1 જુલાઈ 2023ના રોજ ગુજરાત યુનિવર્સિટીના 17મા કુલપતિ તરીકે કાર્યભાર સંભાળ્યો હતો અને તેઓ યુનિવર્સિટીના ઈતિહાસના પ્રથમ મહિલા કુલપતિ બન્યાં હતાં. તેમણે બીજા કાર્યકાળ માટે પણ પ્રયાસો કર્યા હોવાનું કહેવાય છે, પરંતુ સરકારનાં કેટલાંક વર્તુળોમાં તેમના કાર્યકાળ અંગે અસંતોષ હોવાની ચર્ચાને કારણે તેમની પુનઃનિમણૂકની શક્યતા ઓછી માનવામાં આવી રહી છે. બીજી તરફ, આશિષ દવે શિક્ષણક્ષેત્રે લાંબો અનુભવ ધરાવે છે. તેઓ અગાઉ સાવલી આર્ટ્સ એન્ડ કોમર્સ કોલેજ અને એચ.કે. કોમર્સ કોલેજના પ્રિન્સિપાલ તેમજ ડીન રહી ચૂક્યા છે. હાલમાં તેઓ પૂર્વ મુખ્યપ્રધાન શંકરસિંહ વાઘેલાની સમર્પણ કોલેજના પ્રિન્સિપાલ તરીકે ફરજ બજાવે છે. છેલ્લા કેટલાક દિવસોથી તેમનું નામ ઈન્ચાર્જ કુલપતિ તરીકે સૌથી વધુ ચર્ચામાં છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ