ક્રાઈમ / VIDEO : 'નશો કરીને ગાડી ચલાવતો હતો', અમદાવાદમાં એક્સિસ બેંકના મેનેજર મિહિર શર્માની ધરપકડ

ગુરુકુલ રોડથી દૂરદર્શન કેન્દ્ર મેટ્રો સ્ટેશન વચ્ચે એક્ટિવા સવારને 1 કિમી સુધી ઘસડનાર એક્સિસ બેંકના મનેજર મિહિર શર્માની ધરપકડ કરવામાં આવી છે. મિહિર શર્માએ દારુ પીઈને કાર ચલાવતો હોવાનો ખુલાસો કર્યો છે. મિહિર શર્માની કારમાંથી દારૂની બોટલ પણ મળી આવી છે. વસ્ત્રાપુર પોલીસે આરોપીની ધરપકડ કરી છે.

અમદાવાદમાં હિટ એન્ડ રનની ઘટનાઓ વધી

અમદાવાદમાં હિટ એન્ડ રનની આઘાતજનક ઘટનાઓમાં, ગુરુકુલ રોડથી દૂરદર્શન કેન્દ્ર મેટ્રો સ્ટેશન વચ્ચે નશામાં ધૂત કાર ચાલકે એક એક્ટિવા સવાર યુવકને અડફેટે લીધો હતો અને તેને અંદાજે 1 કિલોમીટર સુધી ઢસડ્યો હતો. બેફામ ઝડપે આવી રહેલી કારે એક્ટિવાને ટક્કર માર્યા બાદ કાર ચાલકે બ્રેક મારવાને બદલે ભાગવાનો પ્રયાસ કર્યો હતો.

એક્ટિવા કાર નીચે ચાલકે કાર દોડાવી મૂકી

એક્ટિવા કારની નીચે ફસાઈ જવા છતાં ચાલકે કાર દોડાવી મૂકી હતી, જેના કારણે રોડ પર કિલમોમીટર સુધી એક્ટિવા ઘસાતા ભયાનક તણખા ઉડ્યા હતા. આ ગંભીર અકસ્માતમાં એક્ટિવા ચાલક (નક્ષત્ર ચૌહાણ) નો ખુબ જ ચમત્કારિક આબાદ બચાવ થયો હતો. પીડિતને વસ્ત્રાપુર પોલીસ સ્ટેશન લઈ જવાયો હતો.

વધુ વાંચો : VIDEO : અમદાવાદમાં નશામાં ધૂત કાર ચાલકે એક્ટિવા સવારને 1 કિમી સુધી ઘસડ્યો, રોડ પર ઉડ્યાં તણખાં

કોણ કાર ચાલક આરોપી?

કાર ચાલક આરોપી એક્સિસ બેન્કનો મેનેજર છે. જેણે ફૂલ દારુ પીઈને કાર ચલાવીને અકસ્માત કર્યો હતો. પોલીસ તેની સામે કાર્યવાહી શરુ કરી છે. રસ્તા પર વાહનચાલકની હરકત જોઈ લોકો એકઠા થયા હતો. ત્યાર બાદ લોકોએ કાર ચાલકને પકડીને પોલીસને સોંપી દીધો હતો. સમગ્ર મામલે ટ્રાફિક પોલીસે તપાસ શરૂ કરી છે. જાણ થતાં વસ્ત્રાપુર પોલીસ ઘટનાસ્થળે પહોંચી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ