અકસ્માત / VIDEO : અમદાવાદમાં નશામાં ધૂત કાર ચાલકે એક્ટિવા સવારને 1 કિમી સુધી ઘસડ્યો, રોડ પર ઉડ્યાં તણખાં

અમદાવાદમાં હિટ એન્ડ રનની આઘાતજનક ઘટનાઓમાં, ગુરુકુલ રોડથી દૂરદર્શન કેન્દ્ર મેટ્રો સ્ટેશન વચ્ચે નશામાં ધૂત કાર ચાલકે એક એક્ટિવા સવાર યુવકને અડફેટે લીધો હતો અને તેને અંદાજે 1 કિલોમીટર સુધી ઢસડ્યો હતો. બેફામ ઝડપે આવી રહેલી કારે એક્ટિવાને ટક્કર માર્યા બાદ કાર ચાલકે બ્રેક મારવાને બદલે ભાગવાનો પ્રયાસ કર્યો હતો.

અમદાવાદમાં નશાની હાલતમાં કારચાલકે કર્યો અકસ્માત, ગુરુકુલથી દૂરદર્શન મેટ્રો સુધી કારચાલકે એક્ટિવાને અડફેટે લીધી, AXIS બેંકના મેનેજરે નશામાં એક્ટિવા ઘસડીને દૂરદર્શન મેટ્રો સુધી લાવ્યા #Ahmedabad #DrunkDriving #Gurukul #AXISBank #VTVDigital https://t.co/S2YwnNBEYz

— VTV Gujarati News and Beyond (@VtvGujarati) November 5, 2026

એક્ટિવા કાર નીચે ચાલકે કાર દોડાવી મૂકી

એક્ટિવા કારની નીચે ફસાઈ જવા છતાં ચાલકે કાર દોડાવી મૂકી હતી, જેના કારણે રોડ પર કિલમોમીટર સુધી એક્ટિવા ઘસાતા ભયાનક તણખા ઉડ્યા હતા. આ ગંભીર અકસ્માતમાં એક્ટિવા ચાલક (નક્ષત્ર ચૌહાણ) નો ખુબ જ ચમત્કારિક આબાદ બચાવ થયો હતો. પીડિતને વસ્ત્રાપુર પોલીસ સ્ટેશન લઈ જવાયો હતો.

આ પણ વાંચોઃ ‘ચૂંટણી ચોરીનું કાવતરું’નો આરોપ, જન મહાભિયોગમાં ખડગેનો દાવો, 13.2 કરોડ મતદારોનાં નામ હટાવ્યા!

કોણ છે કાર ચાલક આરોપી?

કાર ચાલક આરોપી એક્સિસ બેન્કનો મેનેજર છે. જેણે ફૂલ દારુ પીઈને કાર ચલાવીને અકસ્માત કર્યો હતો. પોલીસ તેની સામે કાર્યવાહી શરુ કરી છે. રસ્તા પર વાહનચાલકની હરકત જોઈ લોકો એકઠા થયા હતો. ત્યાર બાદ લોકોએ કાર ચાલકને પકડીને પોલીસને સોંપી દીધો હતો. સમગ્ર મામલે ટ્રાફિક પોલીસે તપાસ શરૂ કરી છે. જાણ થતાં વસ્ત્રાપુર પોલીસ ઘટનાસ્થળે પહોંચી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ