ક્રાઈમ / ભાવનગર ST બસ સ્ટેન્ડમાં કાજલ બારૈયાની ક્રૂર હત્યા કરનાર ફૈઝલને આજીવન કેદની સજા, મહિનામાં ફેંસલો

‎ભાવનગરમાં મહિલા હત્યા કેસમાં માત્ર 31 દિવસમાં ઐતિહાસિક ચુકાદો આવ્યો છે. ‎એસ.ટી. બસ સ્ટેન્ડ પર કાજલબેન બારૈયાની ક્રૂર હત્યા કરનાર આરોપી ફૈઝલ ઉર્ફે ખાટકીને આજીવન કેદની સજા ફટકારી છે. કોર્ટે ‎જીવનના અંતિમ શ્વાસ સુધી જેલમાં રહેવાનો આદેશ આપ્યો છે. ‎4 સપ્ટેમ્બરે આ કેસનો ગુનો નોંધાયો હતો અને 4 ઓક્ટોબરે ચાર્જશીટ રજૂ થઈ હતી. આ કેસમાં ‎સ્પેશિયલ સરકારી વકીલ ઉત્પલ દવેની ધારદાર દલીલો અને મજબૂત પુરાવા બન્યાં હતા.

ભાવનગર એસપી- ડો.નિતેશ પાંડે

આરોપી જેલમાં હોવા છતાં પણ મુખ્ય સાક્ષીનું અપહરણ કરાવ્યું હતું, કોર્ટે પણ ગુનાની ગંભીરતાથી ધ્યાનમાં રાખીને ત્વરિત ચુકાદો આપ્યો

‎કેસના મુખ્ય સાક્ષીને અપહરણ કરીને ગોંધી રાખ્યો

‎કેસના મુખ્ય સાક્ષીને જુબાની આપતા રોકવા અપહરણ કરી ત્રણ દિવસ ગોંધી રાખ્યો હોવાનો પણ ખુલાસો થયો છે. ‎રેન્જ IG રાજેન્દ્ર અસારી અને SP નિતેશ પાંડેના માર્ગદર્શન હેઠળ SITએ કરી હતી તપાસ ‎‎ભાવનગર પોલીસની ઝડપી તપાસ અને મજબૂત પુરાવાના આધારે આરોપીને કડક સજા મળી છે.

આ પણ વાંચો : સાયબર ઠગોને મદદ કરવા બેન્કમાં જ ઊભું કર્યું મ્યુલ એકાઉન્ટનું નેટવર્ક! મહિલા બેન્ક મેનેજર અને તેનો પતિ પોલીસની અટકાયતમાં

4 સપ્ટેમ્બરના રોજ ફૈઝલ જાહેરમાં કરી હતી હત્યા

ભાવનગર શહેરમાં બનેલી કાજલ બારૈયાની ઘાતકી હત્યાની સમગ્ર ઘટના અંગે પ્રાપ્ત વિગતો મુજબ, ગત 4 સપ્ટેમ્બરના રોજ ફૈઝલ ઉર્ફે ખાટકી લાખાણી નામના શખ્સે કાજલ બારૈયા નામની યુવતીને જાહેરમાં નિર્દયતાપૂર્વક માર મારીને મોતને ઘાટ ઉતારી દીધી હતી. આ ચકચારી ઘટનાને પગલે સમગ્ર ભાવનગર પંથકમાં ભારે અરેરાટી સાથે રોષ વ્યાપી ગયો હતો. જાહેરમાં રસ્તા પર યુવતી પર થયેલા જીવલેણ હુમલા અને હત્યાના આ અત્યંત ગંભીર ગુનાની તપાસ સ્થાનિક નીલમબાગ પોલીસ દ્વારા ત્વરિત ધોરણે હાથ ધરવામાં આવી હતી. નીલમબાગ પોલીસે બનાવ સંદર્ભે ગુનો નોંધી સઘન તપાસનો દોર આગળ ધપાવ્યો હતો અને આરોપી સામેના તમામ મહત્વપૂર્ણ દસ્તાવેજી પુરાવા એકત્રિત કર્યા હતા. આ કેસમાં પોલીસે આરોપી ફૈઝલ સામે કાનૂની શિકંજો મજબૂત કરવા ત્વરિત કાર્યવાહી હાથ ધરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ