સ્પોર્ટ્સ / Video: ટેસ્ટ ક્રિકેટમાંથી નિવૃત્તિ જાહેર કર્યા બાદ શમીએ શેર કર્યો ભાવુક વીડિયો, ફેન્સ અનહેપ્પી

ભારતીય ક્રિકેટ ટીમના ઝડપી બોલર મોહમ્મદ શમી હવે ટેસ્ટ ક્રિકેટ રમતા જોવા મળશે નહીં. શુક્રવાર, 6 નવેમ્બરના રોજ તેમણે આ ફોર્મેટમાંથી નિવૃત્તિની જાહેરાત કરી. સોશિયલ મીડિયા પર એક ભાવુક પોસ્ટ દ્વારા શમીએ 'સફેદ જર્સી'ને અલવિદા કહ્યું. તેમણે જણાવ્યું કે જ્યારે તેમણે પહેલીવાર ભારતની ટેસ્ટ જર્સી પહેરી હતી, ત્યારે તેમનું એક જ સપનું હતું: પોતાના દેશ માટે કંઈક કરી બતાવવું. 13 વર્ષ પછી, બરાબર એ જ તારીખે, તેઓ જીવનભરની યાદો સાથે આ સફરનો અંત લાવી રહ્યા છે.

શુક્રવારે, 36 વર્ષીય શમીએ સોશિયલ મીડિયા પર એક ભાવુક પોસ્ટ દ્વારા ટેસ્ટ ક્રિકેટમાંથી નિવૃત્તિની જાહેરાત કરી, જેમાં તેમણે પોતાની ટેસ્ટ કારકિર્દીની યાદો અને અનુભવો શેર કર્યા. જોકે, શમીએ સ્પષ્ટ કર્યું કે તેઓ ક્રિકેટમાંથી સંપૂર્ણપણે દૂર નથી થઈ રહ્યા; તેઓ વન-ડે (ODI) અને T20 જેવા મર્યાદિત ઓવરના ફોર્મેટમાં રમવાનું ચાલુ રાખશે. આ ઉપરાંત, પોતાની ફિટનેસ જાળવી રાખવા માટે, જરૂર પડ્યે તેઓ સ્થાનિક ફર્સ્ટ-ક્લાસ ક્રિકેટમાં પણ ભાગ લઈ શકે છે.

View this post on Instagram

A post shared by Sambhaav Nascent LLP (@vtv_gujarati_news)

પોતાની વિદાય પોસ્ટમાં તેમણે લખ્યું, "હું સફેદ જર્સીને અલવિદા કહી રહ્યો છું, પરંતુ તેની સાથે જોડાયેલી યાદોને હું ક્યારેય ભૂંસીશ નહીં." તેમના માટે ટેસ્ટ ક્રિકેટ માત્ર એક ફોર્મેટ નહોતું, પરંતુ તેમના જીવનનો એક અભિન્ન અંગ હતું. તેમણે લીધેલી વિકેટો, સામનો કરેલા પડકારો, થયેલી ઈજાઓ અને મેદાન પર વારંવાર કરેલી વાપસી આ બધું જ તેમને ઘણું શીખવી ગયું.

સાથ આપનારા લોકોનો માન્યો આભાર

પોસ્ટમાં શમીએ તે તમામ લોકોનો આભાર માન્યો જેમણે તેમની ક્રિકેટ કારકિર્દીના સારા અને મુશ્કેલ બંને તબક્કાઓમાં તેમનો સાથ આપ્યો હતો. તેમણે તેમના સાથી ખેલાડીઓ, કોચ, પરિવારના સભ્યો અને લાખો ભારતીય ચાહકોનો આભાર વ્યક્ત કર્યો. શમીએ લખ્યું કે, સંજોગો ગમે તે રહ્યા હોય, આ તમામ લોકોએ તેમનામાં પોતાનો વિશ્વાસ જાળવી રાખ્યો હતો.

તેમણે 'બોર્ડ ઓફ કંટ્રોલ ફોર ક્રિકેટ ઇન ઇન્ડિયા' (BCCI) અને 'ક્રિકેટ એસોસિએશન ઓફ બંગાળ' (CAB) પ્રત્યે પણ કૃતજ્ઞતા વ્યક્ત કરી. શમીના જણાવ્યા અનુસાર, આ સંસ્થાઓએ તેમની પ્રતિભા પર વિશ્વાસ મૂક્યો, તેમને આગળ વધવાની તકો આપી અને તેમની ક્રિકેટ સફરમાં મહત્વપૂર્ણ ભૂમિકા ભજવી.

Safed jersey se vida le raha hoon, lekin usse judi yaadon se kabhi nahi… 🇮🇳❤️ Jab pehli baar Bharat ki Test jersey pehni thi, tab sirf ek sapna tha — apne desh ke liye kuch kar dikhane ka.. Uske baad har wicket, har sangharsh, har chot aur har comeback ne mujhe kuch na kuch sikhaya. Test cricket mere liye sirf ek format nahi, meri zindagi ka ek behad khaas hissa raha hai. Aaj bhaari dil aur anginat khoobsurat yaadon ke saath main Test cricket se retirement lene ka faisla kar raha hoon. Is safar mein mera saath dene wale har teammate, coach, family aur un karodon Bharatiyon ka dil se shukriya, jinhone achhe aur mushkil dono waqt mein mujh par bharosa banaye rakha.. BCCI aur Cricket Association of Bengal (CAB) ka bhi dil se shukriya, jinhone mere talent par bharosa kiya, mujhe aage badhne ke mauke diye aur mere cricket ke safar mein ek aham bhoomika nibhayi. Aapka saath aur vishwas mere liye hamesha khaas rahega. Maidan par meri aakhri Test ball bhale hi fenki ja chuki ho, lekin Bharat ke liye khelne ka garv hamesha mere dil mein zinda rahega. Shukriya, Test Cricket. ❤️ Aapka Shami 🇮🇳 #Mdshami11 #Mdshami #TestCricket #Retirement

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 6, 2026

13 વર્ષ પહેલા કર્યુ ટેસ્ટ ડેબ્યૂ

શમીએ 6 નવેમ્બર, 2013ના રોજ કોલકાતાના ઈડન ગાર્ડન્સ ખાતે વેસ્ટ ઈન્ડિઝ સામે પોતાની પ્રથમ ટેસ્ટ મેચ રમી હતી. સંજોગવશાત્, ટેસ્ટ ક્રિકેટમાં પદાર્પણ કર્યાના બરાબર 13 વર્ષ પછી, તેમણે આ જ ફોર્મેટમાંથી નિવૃત્તિની જાહેરાત કરી. પોતાની કારકિર્દી દરમિયાન, શમીએ ભારત માટે 64 ટેસ્ટ મેચ રમી અને 229 વિકેટ ઝડપી. તેમની બોલિંગ સરેરાશ 27.71 હતી. આ સમયગાળા દરમિયાન, તેમણે એક ઇનિંગમાં પાંચ વિકેટ લેવાની સિદ્ધિ છ વખત હાંસલ કરી હતી. જૂન 2023માં ઓસ્ટ્રેલિયા સામે રમાયેલી વર્લ્ડ ટેસ્ટ ચેમ્પિયનશિપની ફાઈનલ તેમની કારકિર્દીની છેલ્લી ટેસ્ટ મેચ હતી. આ મેચ ઈંગ્લેન્ડના 'ધ ઓવલ' મેદાન પર રમાઈ હતી, જેમાં ભારતને પરાજયનો સામનો કરવો પડ્યો હતો.

View this post on Instagram

A post shared by Sambhaav Nascent LLP (@vtv_gujarati_news)

ઈજાઓ સામે સંઘર્ષ કર્યો, અને પછી મેદાનમાં પરત ફર્યા

શમીની ટેસ્ટ કારકિર્દી માત્ર તેણે લીધેલી વિકેટો પૂરતી સીમિત નથી. આ સમગ્ર સમયગાળા દરમિયાન, તેણે અનેક ઈજાઓનો સામનો કરવો પડ્યો છે. 2023ના વન-ડે વર્લ્ડ કપ બાદ, તેણે ઘૂંટીની સર્જરી કરાવી હતી. ઘૂંટણની સમસ્યાઓને કારણે પણ તે લાંબા સમય સુધી મેદાનથી દૂર રહ્યો હતો.

જાન્યુઆરી 2025માં, તેમણે T20 ક્રિકેટ દ્વારા વાપસી કરી. ત્યારબાદ, તેમણે ચેમ્પિયન્સ ટ્રોફીની ટીમમાં પણ સ્થાન મેળવ્યું. જોકે, ન્યૂઝીલેન્ડ સામેની ફાઈનલ પછી, તેઓ ભારતીય ટીમ માટે કોઈ પણ ફોર્મેટમાં રમ્યા નહીં. આ દરમિયાન, તેઓ IPLમાં અને બંગાળની ટીમ વતી સ્થાનિક ક્રિકેટમાં રમવાનું ચાલુ રાખતા હતા.

આ પણ વાંચોઃ બુમરાહ અને શમી નથી... છતાં હજુ ભયમાં છે ન્યૂઝીલેન્ડ! ભારતીય પેસ અટૈક બીજી વનડે માં ફરી મચાવશે તબાહી?

ભારત માટે રમવાનો ગર્વ હંમેશા રહેશે

પોતાની નિવૃત્તિની જાહેરાતની સાથે, શમીએ જણાવ્યું કે ભલે ટેસ્ટ ક્રિકેટમાં તેમનો છેલ્લો બોલ ફેંકાઈ ચૂક્યો હોય, પરંતુ ભારત માટે રમ્યા હોવાનો ગર્વ હંમેશા તેમના હૃદયમાં રહેશે. તેમણે ટેસ્ટ ક્રિકેટ પ્રત્યે કૃતજ્ઞતા વ્યક્ત કરીને પોતાની પોસ્ટનું સમાપન કર્યું. જોકે શામીએ ટેસ્ટ ક્રિકેટને અલવિદા કહી દીધું છે, પરંતુ તેની પોસ્ટમાં આ ફોર્મેટ સાથે જોડાયેલી તેની અમૂલ્ય યાદો અને પોતાના દેશ માટે રમવા બદલ તેને જે ગર્વ હતો, તે સ્પષ્ટપણે ઝળકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ