અફઘાનિસ્તાન તાલિબાનોના કબજા હેઠળ આવી ગયું છે ત્યારથી ત્યા વસતા અન્ય દેશના નાગરિકો,મહિલાઓ અને લઘુમતીઓ માટે મોટી સમસ્યા ઊભી થઈ ગઈ છે. લોકો દેશ છોડીને જલ્દીથી નાસી જવા માટે ઉતાવળા બન્યા છે.
85 ભારતીયો વતન પરત આવશે.
અફઘાનિસ્તાનમાં તાલિબાન શાસન બાદ ભારત સરકારે પણ પોતાના નાગરિકોને પરત લાવવા માટે કવાયત હાથ ધરી દીધી હતી. આજે ભારતીય વાયુ સેનાનું વધુ એક વિમાન નાગરિકોને પરત લાવી રહ્યું છે. સેનાનાં C-130J વિમાન માં પરત આવી રહેલા 85 ભારતીયો વતન આવી રહ્યા છે.
તાજિકિસ્તાન ઉતર્યું હતું વિમાન
એવું પણ કકહેવાય છે કે C-130J વિમાન તાજિકિસ્તાનમાં ફ્યુઅલ કરાવવા માટે ઊભું રહ્યું હતું. આ વિમાન કાબુલથી દિલ્હી આવી રહ્યું છે. 140 મુસાફરોને લઈને અગાઉ મંગળવારે પણ એક વિમાન આવી ચૂક્યું હતું.
થોડા દિવસ પહેલા ભારતના રાજદૂત અને તેમના પરિવારને લઈને ભારત આવ્યું હતું વિમાન
અફઘાનિસ્તાનમાં હવે તાલિબાન રાજ શરૂ થવા જઈ રહ્યું છે, ત્યારે હવે મોટી સંખ્યામાં લોકો અફઘાનિસ્તાનમાંથી પલાયન થઈ રહ્યા છે. વિશ્વની મહાસત્તાએ પણ હવે હાથ ઉંચા કરી લેતા પરિસ્થિતિ વધુ વિકટ બની છે, વિમાનમાં લોકો લટકીને પણ લોકો અફઘાનિસ્તાનમાંથી બહાર નીકળવાનો પ્રયત્ન કરી રહ્યા છે એવામાં ભારતીય વાયુ સેના દ્વારા રેશ્ક્યૂ ઓપરેશન હાથ ધરવામાં આવ્યું છે.વાયુસેનાના સ્પેશિયલ મિશન અંતર્ગત ભારતીયોને પરત લાવવાના પ્રયાસો કરવોમાં આવી રહ્યા છે ત્યારે ભયંકર પરિસ્થિતિની વચ્ચે અફઘાનિસ્તાનથી ભારતીય એરફોર્સનું C-17 એરક્રાફ્ટ નાગરિકોને લઈને જામનગરમાં પહોંચ્યું હતું.
ભારતીયોને લઇને કાબુલથી જામનગર પહોંચ્યું વિમાન
ભારતીય વાયુસેનાનું C-17 ગ્લોબ માસ્ટર એરક્રાફટ કાબુલથી 130થી વધુ લોકોને લઈને મંગળવારે સવારે રવાના થયું હતું, જે 10.45 વાગ્યે જામનગર એરબેઝ ખાતે લેન્ડ થયું હતું જે સમયે રાજ્યમંત્રી ધર્મેન્દ્રસિંહ જાડેજા, જામનગર કલેકટર, પ્રાંત અધિકારી, મામલતદાર પણ હાજર રહ્યા હતા. તેમજ શહેર ભાજપ પ્રમુખ વિમલ કગથરા સહિત અનેક અધિકારીઓ-કર્મચારીઓ ઉપસ્થિત રહ્યાં હતાં.
