IND vs ENG Test / મેચનો મજેદાર ફોટો: હેલમેટ પહેરીને મેચ જોઈ રહેલા કાકાની તસવીરે મચાવી ધૂમ, તમે પણ જોઈ જ લો

• ભારતે બીજી ઈનિંગમાં 255 રન બનાવી ઈંગ્લેન્ડને જીત માટે 399 રનનો ટાર્ગેટ આપ્યો
• ત્રીજા દિવસની રમત દરમિયાન હેલ્મેટ પહેરેલો એક વ્યક્તિ સ્ટેન્ડમાં જોવા મળ્યો 
• કેમેરામેને આ વ્યક્તિને દેખાડતા જ બધાની પ્રતિક્રિયા જોવા જેવી હતી

ભારત અને ઈંગ્લેન્ડ વચ્ચે બીજી ટેસ્ટ મેચ વિશાખાપટ્ટનમના ACA-VDCA ક્રિકેટ સ્ટેડિયમમાં રમાઈ રહી છે. ભારતે બીજી ઈનિંગમાં 255 રન બનાવ્યા અને ઈંગ્લેન્ડને જીતવા માટે 399 રનનો ટાર્ગેટ આપ્યો. શુભમન ગિલે બીજી ઇનિંગમાં શાનદાર બેટિંગ કરી હતી. જ્યારે અક્ષર પટેલે 45 રનનું યોગદાન આપ્યું હતું. બાકીના બેટ્સમેનો કોઈ નોંધપાત્ર રન બનાવી શક્યા ન હતા. ત્રીજા દિવસની રમત દરમિયાન હેલ્મેટ પહેરેલો એક વ્યક્તિ સ્ટેન્ડમાં જોવા મળ્યો હતો. કેમેરામેને આ વ્યક્તિને દેખાડતા જ બધાની પ્રતિક્રિયા જોવા જેવી હતી.

 

Uncle saving himself from the Sun or the ball ?😂
India is not for beginners. #INDvENG #Helmet #CricketTwitter pic.twitter.com/WQCOW98zEV

— Divyanshu Shrimali (@DivyanshuShrim1) February 4, 2024

વ્યક્તિ હેલ્મેટ પહેરીને મેચ જોઈ રહ્યો હતો

ક્રિકેટના મેદાનની અનેક ફની તસવીરો અને વીડિયો સોશિયલ મીડિયા પર આવતા રહે છે. આવું જ કંઈક ભારત અને ઈંગ્લેન્ડ વચ્ચે ચાલી રહેલી બીજી ટેસ્ટ મેચમાં જોવા મળ્યું. ત્રીજા દિવસની રમત દરમિયાન, એક વ્યક્તિ સ્ટેન્ડ પર જોવા મળ્યો જેણે હેલ્મેટ પહેર્યું હતું. આ વ્યક્તિ હેલ્મેટ પહેરીને મેચ જોઈ રહ્યો હતો. તેનો ફોટો ખૂબ વાયરલ થઈ રહ્યો છે. આવા ઘણા ફની ફોટા સોશિયલ મીડિયા પર વાયરલ થતા રહે છે.

True @sachin_rt fan spotted#INDvsENGTest #helmet #SachinTendulkar pic.twitter.com/kpmLwziSv0

— Vishal Chhabra (@proton380) February 4, 2024

ભારતે 399 રનનો ટાર્ગેટ આપ્યો હતો

પ્રથમ દાવમાં 396 રન બનાવ્યા અને ઈંગ્લેન્ડને 253 રનમાં ઓલઆઉટ કર્યા બાદ ભારત બીજા દાવમાં 255 રનમાં સમેટાઈ ગયું હતું. પ્રથમ દાવથી 143 રનની મહત્વપૂર્ણ લીડ સાથે ટીમ ઈન્ડિયાએ ઈંગ્લેન્ડને આ મેચ જીતવા માટે 399 રનનો ટાર્ગેટ આપ્યો છે. છેલ્લી વિકેટ રવિચંદ્રન અશ્વિનની હતી. તેણે 29 મહત્વપૂર્ણ રન બનાવ્યા હતા. શુભમન ગિલે શ્રેણીની પ્રથમ સદી ફટકારી અને 104 રનની ઇનિંગ રમી. તેની ઇનિંગમાં 11 ચોગ્ગા અને 2 છગ્ગાનો સમાવેશ થાય છે. અક્ષર પટેલે 45 રન બનાવ્યા હતા.

વધુ વાંચો :વિરાટ વધુ કમાય છે કે પત્ની અનુષ્કા? કપલની નેટવર્થનો આંકડો જાણી ચકિત થઈ જશો

ભારતીય બોલરોએ શાનદાર પ્રદર્શન કરવું પડશે

જો ભારતીય ટીમે આ મેચમાં જીત નોંધાવવી હોય તો બોલરોએ શાનદાર પ્રદર્શન કરવું પડશે. જો કે, 399 રનના લક્ષ્યનો પીછો કરવો આસાન નથી, તે પણ ઈંગ્લેન્ડની બેઝબોલ સ્ટાઈલની સામે ટૂંકો પડી શકે છે. બુમરાહે પ્રથમ દાવમાં ઈંગ્લેન્ડના 6 બેટ્સમેનોને પોતાનો શિકાર બનાવ્યા હતા, જેમાં બેન સ્ટોક્સ અને ઓલી પોપની શાનદાર બોલિંગ સામેલ હતી. જ્યારે ચાઈનામેન સ્પિનર ​​કુલદીપ યાદવે 3 વિકેટ ઝડપી હતી. ભારતીય બોલરોએ બીજી ઈનિંગમાં પણ આવું જ કંઈક કરવું પડશે.