IND vs BAN / ભારત-બાંગ્લાદેશની મેચમાં એવું શું કર્યું આર અશ્વિને કે રચી કાઢ્યો ઇતિહાસ, હવે માત્ર આ જ ખેલાડી છે આગળ

ભારત અને બાંગ્લાદેશ વચ્ચે રમાઈ રહેલી બીજી ટેસ્ટ મેચમાં ભારતના સ્ટાર ખેલાડી આર અશ્વિને ઈતિહાસ રચ્યો છે. કાનપુરમાં રમાઈ રહેલી બીજી ટેસ્ટ મેચમાં બાંગ્લાદેશના કેપ્ટન નઝમુલ હસન શાંતોની વિકેટ લઈને આર અશ્વિન એશિયામાં સૌથી વધુ વિકેટ લેનાર બોલર બની ગયો છે. રવિચંદ્રન અશ્વિને એશિયામાં ટેસ્ટ ક્રિકેટમાં સૌથી વધુ વિકેટ લઈને ઈતિહાસ રચ્યો છે. બાંગ્લાદેશ સામે એક વિકેટ લઈને તેણે ટીમ ઈન્ડિયાના દિગ્ગજ પૂર્વ કેપ્ટન અનિલ કુંબલેના 419 વિકેટના રેકોર્ડને પાછળ છોડી દીધો છે.

હવે માત્ર શ્રીલંકાના મુરલીધરન પાછળ છે

આર અશ્વિને એશિયામાં અત્યાર સુધી ટેસ્ટ ક્રિકેટમાં કુલ 420 વિકેટ લીધી છે. જ્યારે ટીમ ઈન્ડિયાના દિગ્ગજ પૂર્વ કેપ્ટન અનિલ કુંબલેએ પોતાની કારકિર્દીમાં એશિયામાં 419 વિકેટ ઝડપી હતી. આ સાથે જ એશિયામાં સૌથી વધુ વિકેટ લેવાના મામલે શ્રીલંકાના મહાન સ્પિનર ​​મુથૈયા મુરલીધરન નંબર વન પર છે. મુથૈયા મુરલીધરને એશિયામાં રમાયેલી ટેસ્ટ મેચોમાં સૌથી વધુ 512 વિકેટ લેવાની સિદ્ધિ હાંસલ કરી છે.

કેવી છે આર અશ્વિનની કારકિર્દી?

આર અશ્વિને તેની કારકિર્દીમાં અત્યાર સુધી કુલ 101 ટેસ્ટ મેચ રમી છે. આમાં તેણે 522 વિકેટ લીધી છે. ટેસ્ટ ક્રિકેટમાં આર અશ્વિને 8 વખત 10-10 વિકેટ, 37 વખત 5-5 વિકેટ અને 25 વખત 4-4 વિકેટ લેવાની સિદ્ધિ મેળવી છે.

વધુ વાંચો: હવે તમારા સપના પણ કરી શકાશે રેકોર્ડ, વૈજ્ઞાનિકોએ એવું ડિવાઈસ બનાવ્યું કે ડ્રીમ્સનો વીડિયો જોઈ શકાશ

તે જ સમયે, આર અશ્વિને ODI ક્રિકેટમાં 116 મેચ રમી છે, જેમાં તેણે 156 વિકેટ લીધી છે. ઓડીઆઈ મેચમાં આર અશ્વિનનું સર્વશ્રેષ્ઠ પ્રદર્શન 25 રનમાં 4 વિકેટ લેવાનું રહ્યું છે. આ સિવાય જો ઈન્ટરનેશનલ ટી20 ક્રિકેટની વાત કરીએ તો આર અશ્વિને 65 મેચ રમી છે, જેમાં તેણે કુલ 72 વિકેટ લીધી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ