હેલ્થ / ગુજરાતમાં આ જીવલેણ રોગનું વધ્યું પ્રમાણ, 2025માં 12 ટકાનો વધારો

હાર્ટ એટેકના કેસ ચિંતાનો વિષય બની રહ્યા છે જેમાંથી ગુજરાત પણ બાકાત નથી. તાજેતરના વર્ષ 2025ના મુજબ ગુજરાતમાં હાર્ટ એટેકના કેસમાં ચિંતાજનક વધારો થયો છે. જેમાં 25મી ડિસેમ્બર સુધીના 108 ઈમરજન્સી સર્વિસ દ્વારા જાહેર કરાયેલા આંકડા મુજબ આ વર્ષે કુલ 96,789 કેસ હાર્ટ એટેકના સામે આવ્યા છે જે વર્ષ 2024માં 84,738 કેસ હતા. જે સૂચવે છે કે, આ વર્ષે 12.46 ટકાનો વધારો થયો છે.

ગયા વર્ષે ગુજરાતમાં રોજના હાર્ટ એટેકના ઈમરજન્સીના એવરેજ 232 કેસ સામે આવતા હતા જે આ વર્ષે વધીને 265 પહોંચ્યા છે. 2023માં  હાર્ટ એટેકના કારણે ગુજરાતમાં કુલ 74,777 લોકોના જીવ ગયા હતા. એટલે કે, દરરોજ એવરેજ 204 થી 205 લોકો જીવ ગુમાવ્યો હતો

• અમદાવાદમાં સૌથી વધુ કેસ
  આ મામલામાં અમદાવાદમાં 26,823 ઈમરજન્સી કોલ્સ સાથે પહેલા નંબરે રહ્યું છે. તો સુરત, વડોદરા, રાજકોટ અને ભાવનગરમાં પણ હાર્ટ એટેકની સંખ્યા વધી છે. હાર્ટ એટેકના વધતા જતા કેસને લઇ હાર્ટ ટ્રાન્સપ્લાન્ટની જરૂરિયાત પણ વધી છે. અત્યારે  ગુજરાતમાં ઓર્ગન ડોનેશન દ્વારા હાર્ટ મેળવવા માટે 117 દર્દીઓ વેઈટિંગમાં છે. ઓર્ગનના વેઈટિંગ લિસ્ટની બાબતમાં ગુજરાત દેશમાં બીજા નંબરે છે જે ગંભીર સ્થિતિ સૂચવે છે.
  

વધુ વાંચો : ઊંઘ નથી આવતી? રાતે સુતા પહેલાં પગે પહેરી લેજો આ ચીજ, તરત ઘસઘસાટ ઊંઘમાં

આ ભૂલ ન કરવી
હાર્ટ એટેકના કેસમાં છાતીમાં ભારેપણું, શ્વાસ લેવામાં તકલીફ પડવી, પરસેવો આવવો, ધબકારા વધી જવા કે જડબામાં દુખાવો જેવા લક્ષણો જોવા મળે છે. તેને અવોઇડ ન કરવા જોઈએ. ખરાબ લાઈફ સ્ટાઈલના કારણે  હાર્ટ એટેકનું પ્રમાણ વધતું હોવાનું કેહવાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ