અકસ્માત / રાજકોટમાં ત્રિપલ અકસ્માતમાં 3ના મોત, કડી પાસે હિટ એન્ડ રનમાં ઠાકોર યુવાનને ફંગોળ્યો, મરણચીસોથી ગુંજ્યા હાઈવે

• રાજકોટના માલિયાસણ પાસે સર્જાયો ગોઝારો અકસ્માત
• માલિયાસણ પાસે ટ્રક અને બે કાર વચ્ચે થયો અકસ્માત
• વડોદરાના કપુરાઇ ચોકડી પાસે ટેમ્પોને નડ્યો અકસ્માત 

ગુજરાતમાં અવારનવાર અકસ્માતની ઘટનાઓ સામે આવતી રહે છે. આજે રાજ્યમાંથી રોડ અકસ્માતની 3 ઘટનાઓ સામે આવી છે. રાજકોટના માલિયાસણ પાસે ગોઝારો અકસ્માત સર્જાયો હતો જેમાં ત્રણના મોત થયા છે. જ્યારે   વડોદરાના કપુરાઇ ચોકડી પાસે ટેમ્પોને અકસ્માત નડ્યો છે. જેમાં  ટેમ્પો ચાલકનું કમકમાટી ભર્યું મોત થયું છે, તો મહેસાણાના કડી પાસે હિટ એન્ડ રનની ઘટના બની છે.

માલિયાસણ પાસે ગોઝારો અકસ્માત 
રાજકોટના માલિયાસણ પાસે ગોઝારો અકસ્માત સર્જાયો છે. માલિયાસણ પાસે ટ્રક અને બે કાર વચ્ચે ગંભીર અકસ્માત સર્જાયો છે. અકસ્માતની ઘટનામાં ત્રણ લોકોના ઘટના સ્થળે જ મોત થયા છે. અકસ્માતને કારણે હાઈવે પર ટ્રાફિકજામના દ્રશ્યો સર્જાયા હતા. 

વડોદરામાં અકસ્માત
વડોદરાના કપુરાઇ ચોકડી પાસે ટેમ્પોને અકસ્માત નડ્યો હતો. ગમખ્વાર અકસ્માતમાં ટેમ્પો ચાલકનું ઘટનાસ્થળે જ મોત થયું છે. ટેમ્પોના ક્લિનરને ગંભીર ઇજાઓ થતાં સારવાર માટે ખસેડાયો છે. સુરતથી અમદાવાદ જતી વખતે ટેમ્પોને અકસ્માત નડ્યો છે. વાડી પોલીસે ઘટનાસ્થળે પહોંચી તપાસ હાથ ધરી છે.

કડી પાસે હિટ એન્ડ રનની ઘટના 
મહેસાણાના કડી પાસે હિટ એન્ડ રનની ઘટના બની છે. અજાણ્યા વાહન ચાલકની ટકકરે બાઇક ચાલકનું મોત થયું છે. વાહનની ટકકરે બાઇક ચાલક ભરતજી ઠાકોરનું મોત થયું છે. અકસ્માતની ઘટના બાદ અજાણ્યો વાહન ચાલક ફરાર થયો છે. મૃતકના ભાઈએ અજાણ્યા વાહન ચાલક સામે ફરિયાદ નોંધાવી છે.