અમદાવાદ / ગુજરાતીઓ સાચવજો! ઈ-મેમો ભરવા જતાં ક્યાંક છેતરાઈ ન જતાં, ખુદ ટ્રાફિક પોલીસે જ કરી અપીલ

• ઇ મેમો ભરવાના નામે છેતરપિંડીના કેસો વધ્યા
• લોક અદાલતે 97 હજાર લોકોને આપી નોટિસ
• ઇમેમો ભરવા નોટિસ મળતા ઠગ ટોળકી સક્રિય

ઇ મેમો ભરવાના નામે છેતરપિંડીના કેસો ફરી વધી રહ્યાં છે. લોક અદાલતે 97 હજાર લોકોને નોટિસ પાઠવી છે. જેને લઈ વર્તમાનમાં ઈ મેમો ભરવા મામલે ઠગ ટોળકી પણ સક્રિય થઈ છે. ઠગ ટાળકી લોકોને ઇ મેમો ભરવા મેસેજ કરી રહી છે તેમજ જેમાં કોર્ડ સ્કેન કરીને મેમો ભરવાની સુચના આપે છે.

મેસેજ કરીને પૈસા પડાવતી ટોળકી સક્રિય 
ક્યુઆર કોડ દ્વારા ઇ મેમાનો મેસેજ કરીને પૈસા પડાવતી ટોળકી સક્રિય થઈ છે જે મામલે ટ્રાફિક વિભાગે સાયબર ક્રાઇમમાં રજુઆત કરી છે. અનેક લોકોને ક્યુઆર કોડથી પૈસા પડાવતા હોવાના મેસેજ શરૂ થયા છે. જે મેસેજ પોલીસના ધ્યાને આવતા આવા મેસેજથી સાવચેત રહેવા પોલીસે પણ અપીલ છે. પોલીસ સ્ટેશનમાં લાગેલા ક્યુઆર કોડનો ઉપયોગ કરવાની લોકોને અપીલ કરાઈ છે. લોક અદાલતમાં નોટિસમાં જોવા મળતા ક્યુઆર કોડનો જ ઉપયોગ કરવા સુચના આપવામાં આવી છે. તેમજ તેમણે નાગરિકોને અપીલ પણ કરી છે કે, અન્ય નંબરથી આવતા મેસેજ કે ક્યુઆર કોડથી કોઈ પૈસા ન ભરે જેનો સંપૂર્ણ ધ્યાન રાખે.

ટ્રાફિક વિભાગના DCPનું નિવેદન
ટ્રાફિક વિભાગના DCP એન એચ દેસાઈએ જણાવ્યું કે, અમદાવાદ શહેરમાં ઈ ચલણ આપવામાં આવ્યા છે તેમને નોટિસો પાઠવવામાં આવી છે. તેમણે કહ્યું કે, અત્યારે ટ્રાફિકના ઈ ચલણ ભરવા માટે જે ઉઘરાણી થઈ રહી છે ત્યારે અસામાજિક તત્વો તેમજ ફ્રોર્ડ લોકો દ્વારા વાહન ચાલકોને ફોન કરાય છે તેમજ મેસેજ મોકલાય છે કે, અમે એક લિંક મુકી છે તેમાં ક્યુઆર કોર્ડ છે જેમાં તમારો ઈ  ચલણ ભરી દો. જે મામલે તેમણે કહ્યું આવા ફ્રોર્ડ લોકોથી સાવચેત રહેવાનું છે. અને અમારા દ્વારા જે નોટિસ પાઠવવામાં આવી છે તેમાં લોક અદાલતની સ્પષ્ટ વિગત હશે અને ઈ ચલણની પણ વિગત હશે ત્યાર બાદ ક્યુઆર કોર્ડ અને પછી લિંક હશે જ્યારે ફ્રોર્ડ લોકોનો ફક્ત નાનકડો જ મેસેજ હશે અને જેમાં કંઈ ખાસ વિગતો હશે નહી.