અનોખા લગ્ન / સપ્તપદીના વચનની સાથે સાથે વર-વધુએ લીધો ચૂંટણીને લગતો સંકલ્પ

Vadodara News : વડોદરામાં એક અનોખા સમૂહલગ્ન યોજાયા છે. લગ્નની મોસમ વચ્ચે સંસ્કારી નગરી વડોદરામાં યોજાયેલ સમૂહલગ્નમાં નવયુગલોની સાથે સાથે જાનૈયાઓએ લીધેલ શપથ ખરેખર સરાહનીય છે. વાત જાણે એમ છે કે, અહીં સમૂહ લગ્નમાં લોકસભા ચૂંટણીમાં વધુને વધુ મતદાન થાય તે માટે શપથ લેવડાવ્યાં હતા. 31 નવયુગલો અને હજારો જાનૈયાઓએ એકસાથે મતદાન કરવાના અને મતદાન કરાવવાના શપથ લીધા તો લગ્નની ચોરીમાં જ નવદંપતિએ પણ શપથ લીધા હતા.

વધુ વાંચો : 'આ વખતે બાપુ બચ્યાં હતા, તો...', પરેશ ધાનાણીના વિવાદિત નિવેદન પર CR પાટીલે કહ્યું 'ગુજરાતમાં હાર દેખાઇ રહી છે એટલે...'

વડોદરામાં ટીમ ટ્રીસ ચેરિટેબલ ટ્રસ્ટ દ્વારા કરવામાં આવેલ સમૂહલગ્નનુંમાં નવયુગલ સાથે જાનૈયાને મતદાન કરવાના શપથ લેવડાવાયા હતા. આ સાથે પ્રભુતામાં પગલાં પાડનારા 31 જેટલા નવયુગલ અને જાનૈયાઓને એકસાથે મતદાન કરવાના શપથ લેવડાવ્યા હતા. અનોખી વાત એ છે કે લગ્નની ચોરીમાં જ નવદંપતિ દ્વારા મતદાનના શપથ લેવામાં આવ્યા. આ સાથે લગ્નસ્થળે મતદાન મહાદાન, પહેલા મતદાન પછી જલપાન જેવા પોસ્ટર લગાવાયા હતા. નવાઈની વાત એ છે કે, સાતમો ફેરો કન્યાઓ વડના વૃક્ષ સાથે ફરી હતી. સમૂહલગ્નના આયોજકો દ્વારા નવદંપતિને વડનો છોડ આપવામાં આવ્યો હતો. વટ સાવિત્રીનું વ્રત કરતી કન્યાઓને વડના વૃક્ષનું જતન કરી પતિના લાંબા આયુષ્ય માટે પ્રાર્થના કરવા અને પર્યાવરણનુ જતન કરવા પ્રેરણા પણ આપવામાં આવી.