પર્દાફાશ / બે દીકરીઓ સાથે મળી પતિની કરી હત્યા, ઓડિશની રેલ દુર્ઘટનામાં મૃત્યુ થયું હોવાનું આપ્યું કારણ: સુરતમાં શૉકિંગ મર્ડર કેસ

• સુરતમાં મૃતદેહ મળવા મામલે ખુલાસો
• પત્નીએ 2 દીકરીની મદદથી પતિની હત્યા કરી હતી
• પત્નીએ પતિની હત્યા ટ્રેન દુર્ઘટનામાં ખપાવી હતી

સુરતના પીપોદરા પાસેથી પુરુષનો મૃતદેહ મળવા મામલે ખુલાસો થયો છે. જેમાં પત્નીએ બે દીકરીઓની મદદથી પતિને મોતને ઘાટ ઉતારી દીધાનો ખુલાસો થયો છે. મહત્વનું છે કે ભેજાબાજ પત્નીએ પતિની હત્યા કરી ઓડિશા રેલવે દુર્ઘટનામાં પતિનું મૃત્યુ ખપાવી દેવા પ્રયાસ કર્યો હતો. ક્રાઇમ પેટ્રોલ જેવી મર્ડર મિસ્ટ્રીને અંજામ આપી આરોપી પત્ની અને બંને દીકરી ફરાર થઈ ગઈ હતી.

હત્યા કરી પત્ની તેની 2 દીકરીને લઈને ફરાર થઈ ગઈ
માંગરોળ પંથકમાં આવેલ ઉમંગ રેસીડેન્સીમાં રહેતા અને પીપોદર ગામે આવેલ લુમ્સના કારખાનામાં કામ કરી પોતાના પરિવારનું ગુજરાન ચલાવતા નરેશ તૃષ્ટિ નાયક નામના 50 વર્ષીય આધેડનું મોત નીપજ્યું હતું. તેના રહેણાંક મકાન નજીક આવેલ ખુલી જગ્યામાંથી નરેશ નાયકનો મૃતદેહ મળી આવ્યો હતો. જેમાં રેણાક મકાન નજીક દાટી દેવાયેલી હાલતમાં સ્થાનિકોને દુર્ગંધ આવતા ખાડો ખોદી તપાસ હાથ ધરવામાં આવી હતી. આ દરમિયાન કોથળામાંથી તેનો મૃતદેહ મળી આવ્યો હતો. બાદમાં કોસંબા પોલીસને જાણ કરાઈ હતી અને તપાસનો ધમધમાટ શરૂ કર્યો હતો.

કોસંબા પોલીસે હાલ FSL ની મદદ લીધી

જેને લઇને પોલીસે નરેશ નાયકના મૃતદેહનો કબજો સંભાળી તપાસ હાથ ધરતા પ્રાથમિક તપાસમાં તેમનું મોત ચાર પાંચ દિવસ અગાઉ થયો હોવાનું જાણવા મળ્યું હતું. જેને લઇને પોલીસે હત્યા થઈ હોવાની દિશામાં તપાસ લંબાવી હતી આ દરમિયાન પત્ની સવિતાબેને બે દીકરીઓની મદદગારી કરી મૂઠમાંર મારી અથવા ગળું દબાવીને મોતને ઘાટ ઉતારી દીધાનું પડોશીએ અનુમાન લગાવ્યું હતું. હાલ આરોપી મહિલા અને બન્ને યુવતોએ ગુમ હોવાથી પોલીસે પ્રબળ શંકા વ્યક્ત કરી કાસંબા પોલીસે એફએસએલ ટીમને સ્થળ પર બોલાવી હત્યાની કલમો હેઠળ ગુન્હો નોંધી  દિશામાં તપાસ શરૂ કરી હતી.