ગેરહાજર / રાજકોટમાં જિલ્લા આયોજન મંડળની બેઠકમાં 8માંથી 6 ધારાસભ્યોએ મારી ગુલ્લી, મંત્રીએ કરવી પડી સ્પષ્ટતા

• રાજકોટ જિલ્લા આયોજન મંડળની બેઠક
• બેઠકમાં ભાજપના MLA ગેરહાજર
• રાજકોટ ભાજપના 6 MLA ગેરહાજર

આજે રાજકોટ જિલ્લામાં આયોજન મંડળની બેઠકનું આયોજન કરવામાં આવ્યું હતું. આ બેઠક પ્રભારી મંત્રી રાઘવજી પટેલની હાજરીમાં બેઠક મળી હતી. મહત્વની વાત એ છે કે આ બેઠકમાં શહેર ભાજપના જ ધારાસભ્યો ગેરહાજર રહ્યા હતા.  આમ તો ભાજપની પાર્ટીને શિસ્તની ચર્ચા હંમેશા લોકો કરતા હોય છે ત્યારે આ બેઠકમાં ગેરહાજર રહીને પાર્ટીના જ ધારાસભ્યોએ શિસ્તનો ભંગ કર્યો હતો.પ્રભારી મંત્રી રાઘવજી પટેલની હાજરીમાં આયોજન મંડળની બેઠકમાં વિકાસના કામ અંગે ચર્ચા કરવાની હતી પરંતું ભાજપ પાર્ટીના જ 6 ધારાસભ્યો ગેરહાજર રહેતા અનેક સવાલો ઉભા થઇ રહ્યા છે.

રાજકોટની કલેક્ટર કચેરી ખાતે આયોજિત જિલ્લા આયોજન મંડળની બેઠકમાં રાજકોટ જિલ્લાના પ્રભારી તરીકે હાજરી આપી, ગુણવત્તાસભર કામો નિયત સમય મર્યાદામાં પૂર્ણ કરી, જિલ્લાને વિકાસમાં અગ્રેસર બનાવવા અધિકારીઓને અનુરોધ કર્યો અને વિવિધ જનહિતૈષી કામો અંગે વિસ્તૃત સમીક્ષા કરી. pic.twitter.com/TtA1vt7xqW

— Raghavji Patel (@RaghavjiPatel) February 17, 2023

કોણ કોણ ધારાસભ્ય રહ્યા ગેર હજાર?
ગેરહાજર રહેનારા ધારાસભ્યની વાત કરીએ તો રાજકોટ શહેરના ત્રણ બેઠકના ધારાસભ્યોની ગેરહાજરી જોવા મળી હતી. જેમાં દર્શિતા શાહ, ભાનુબેન બાબરિયા, ઉદય કાનગડ ગેરહાજર  રહ્યા હતા. આ ઉપરાંત રાજકોટ જિલ્લાની ચાર બેઠકની વાત કરીએ તો ત્રણ બેઠકના ધારાસભ્યો ગેરહાજર રહ્યા હતા. જેમાં જયેશ રાદડિયા, કુંવરજી બાવળીયા, ગીતાબા જાડેજાની ગેરહાજરી જોવા મળી હતી. મહત્વનું છે કે રાજકોટ બેઠકના રમેશ ટીલાળા હજાર રહ્યા હતા.

અન્ય કામગીરીને લઈને ધારાસભ્યો આવી શક્ય નહીં હોઈ

રાજકોટમાં મળેલી બેઠકમાં કૃષિમંત્રી રાઘવજી પટેલે નિવેદન આપતા કહ્યું હતું કે, જેમાં જળ અભિયાનને લઈને માહિતી આપતા કહ્યું કે, તળાવો ઊંડા કરવાની કામગીરી કરવામાં આવશે. વધુમાં તેમને કહ્યું કે, આજથી લઈને આવનારી 17-5-2023 સુધી ડેમમાં કાપ કાઢવાની કામગીરી શરૂ કરવામાં આવશે.તેમજ ધારાસભ્ય ગેરહાજર મુદ્દે નિવેદન આપતા કહ્યું કે અન્ય કામગીરીને લઈને ધારાસભ્યો આવી શક્ય નહીં હોઈ.