હેલ્થ / હઠીલા રોગો માટે વરદાન છે આ છોડ, પેશાબ સંબંધિત બીમારીઓ પણ થશે છૂમંતર, આર્યુવેદનો છે ચમત્કારક

ઘણી વખત રોગોથી છુટકારો મેળવવામાં દવાઓ કરતાં ઔષધિઓ વધુ અસરકારક સાબિત થાય છે. આયુર્વેદમાં આવી ઘણી વસ્તુઓને સ્વાસ્થ્ય માટે વરદાન માનવામાં આવી છે. આમાંથી એક છે મોરિંગા વૃક્ષ.. તેને શિગરુ વૃક્ષ પણ કહેવામાં આવે છે. નિષ્ણાતોના મતે આ વૃક્ષના દરેક ભાગમાં ઔષધીય ગુણો રહેલા છે. તેના ફૂલો, પાંદડા અને છાલનો ઉપયોગ અલગ અલગ રીતે કરવામાં આવે છે. ઘણા લોકો મોરિંગાના પાનનો પાઉડર બનાવીને સેવન કરે છે, જ્યારે ઘણા લોકો મોરિંગાના ફૂલને પીસીને તેની પેસ્ટ બનાવીને સેવન કરે છે. આવો જાણીએ આ ઔષધીય વૃક્ષની વિશેષતા આયુર્વેદિક ડોક્ટર પાસેથી.

ફૂલોની પેસ્ટ બનાવીને ત્વચા પર લગાવવામાં આવે છે,

મોરિંગાનું વૃક્ષ સ્વાસ્થ્ય માટે વરદાન ગણી શકાય. આયુર્વેદમાં આ વૃક્ષને ઔષધીય ગુણોથી ભરપૂર માનવામાં આવે છે અને તેના ફૂલો, પાંદડા અને છાલનો ઉપયોગ અલગ-અલગ રીતે કરવામાં આવે છે. જો મોરિંગાના પાનને પાવડર સ્વરૂપે ખાવામાં આવે તો તે ચમત્કારિક સ્વાસ્થ્ય લાભો આપી શકે છે. તેના ફૂલોની પેસ્ટ બનાવીને ત્વચા પર લગાવવામાં આવે છે, જ્યારે મોરિંગાની છાલમાંથી ઉકાળો બનાવવામાં આવે છે. આ વૃક્ષના દરેક ભાગનો આયુર્વેદિક ઉપચારમાં ઉપયોગ કરી શકાય છે.

 મહિલાઓને હોર્મોનલ સમસ્યાઓમાં રાહત

આયુર્વેદિક ડોકટરોના જણાવ્યા અનુસાર, મોરિંગાના ફૂલ, પાંદડા અને છાલ મહિલાઓ, ડાયાબિટીસના દર્દીઓ અને પેશાબની સમસ્યાથી પીડિત લોકો માટે સૌથી વધુ ફાયદાકારક માનવામાં આવે છે. મોરિંગાના પાનને સૂકવીને સારી રીતે પીસીને પાવડરનો ઉપયોગ કરવામાં આવે છે. મોરિંગાના પાંદડાના પાઉડરનું સેવન કરવાથી મહિલાઓની હોર્મોનલ સમસ્યાઓમાં રાહત મળે છે. ગર્ભાશય સંબંધિત સમસ્યાઓથી પીડિત મહિલાઓ પણ ડૉક્ટરની સલાહ પર આ પાવડરનું સેવન કરી શકે છે. તેમાં જોવા મળતા ગુણો મહિલાઓના સ્વાસ્થ્યને સુધારવામાં અસરકારક સાબિત થઈ શકે છે.

આ પણ વાંચોઃ જરૂરિયાતથી વધારે માત્રામાં પ્રોટીન ડાયટ લેવું સ્વાસ્થ્ય માટે છે હાનિકારક, ભૂલથી પણ આ લક્ષણો દેખાય તો ચેતી જજો

શુગર લેવલને ઘટાડવામાં ઉપયોગી 

ડાયાબિટીસના દર્દીઓ માટે મોરિંગાના પાનનો પાઉડર ખૂબ જ ફાયદાકારક સાબિત થઈ શકે છે. આમાં રહેલા ગુણો શરીરમાં શુગર લેવલને ઘટાડવામાં મદદ કરે છે. જો તેનું યોગ્ય રીતે સેવન કરવામાં આવે તો શુગર લેવલને ઘણી હદ સુધી નિયંત્રિત કરી શકાય છે. આ સિવાય પેશાબને લગતી સમસ્યાઓમાં મોરિંગા પાવડર ફાયદાકારક સાબિત થઈ શકે છે. આયુર્વેદ અનુસાર, જો મોરિંગાના ફૂલની પેસ્ટ બનાવીને ત્વચા પર લગાવવામાં આવે તો તેનાથી ત્વચાના ચેપથી ઘણી રાહત મળે છે. જો કે, લોકોએ ડૉક્ટરની સલાહ લીધા પછી જ મોરિંગાનો ઉપયોગ કરવો જોઈએ.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો