ટિપ્સ / શેર માર્કેટમાં પૈસાનું રોકાણ કરી રહ્યા છો તો આ 5 બાબતોનું રાખો ખાસ ધ્યાન, નહીં તો થઈ શકે છે મોટું નુકસાન

• રોકાણ કરી નફો મેળવવા માટે દરેક લોકો શેરબજાર તરફ વળ્યા છે
• શેર માર્કેટમાં રોકાણ કરી વધુમાં વધુ પૈસા કેવી રીતે કમાવવા? 
• શેરબજારમાં થતાં નુકસાનણએ કેવી રીતે અટકાવવું? જાણો 

આજના વ્યસ્ત જીવનમાં આપણે બધા સારા રિટર્ન એટલે કે વળતર અને નફા પાછળ દોડતા રહીએ છીએ. તેમાંથી લગભગ બધાની પહેલી ચોઈસ શરબજારમાં પૈસા રોકીને સારો નફો મેળવવાની છે. એવામાં જો પ્રયત્નો યોગ્ય દિશામાં હોય તો આપણને સારું વળતર મળે છે પણ જો માહિતીના અભાવે આપણે માત્ર અડધો પ્રયાસ કરી શકીએ છીએ, તો તેનો કોઈ ફાયદો નથી. તેથી ક્યાંક નાણાંનું રોકાણ કરતા પહેલા, આપણે મહત્તમ વળતર કેવી રીતે મેળવવું તે વિશે બધું જાણી લેવું જોઈએ. 

આજે યુવાનો સહિત દરેક લોકો શેરબજાર તરફ વળ્યા છે. લોકો ઈચ્છે છે કે શેરબજારમાં થોડા પૈસાનું રોકાણ કરીને વધુ પૈસા કમાઈ લે એવામાં ચાલો તમને જણાવીએ કે કેવી રીતે શેર માર્કેટ દ્વારા વધુમાં વધુ પૈસા કમાઈ શકાય અને તેમાં થતું મોટું નુકસાન ટાળી શકાય છે.

શેરબજારમાં રોકાણ કરતાં પહેલા તમારો ગોલ સમજો 
શેરબજારમાં રોકાણ કરતાં પહેલા તમારું લક્ષ્ય અને તમે આ દિશામાં શા માટે જઈ રહ્યા છો તે સમજો. ધારો કે તમે 5 વર્ષ પછી કાર ખરીદવાનું વિચારી રહ્યા છો. કારની કિંમત 10 લાખ છે. તો 10 લાખ રૂપિયાના હિસાબે તમારો સ્ટોક પસંદ કરો.

સ્ટોક ખરીદતા પહેલા તેનો સંપૂર્ણ ઇતિહાસ વાંચો
જ્યારે પણ તમે કોઈપણ કંપનીનો સ્ટોક ખરીદો ત્યારે તેનો સંપૂર્ણ ઇતિહાસ વાંચો. આ સ્ટૉકની ભવિષ્યની યોજનાઓ પણ જાણો. જ્યારે બધું બરાબર દેખાય ત્યારે જ તમારા પોર્ટફોલિયોમાં સ્ટોક ઉમેરો.

પહેલી વારમાં જ વધારે રોકાણ ન કરો
સામાન્ય રીતે એવું જોવામાં આવે છે કે લોકો પહેલા જ મોટા રોકાણ કરે છે. વાસ્તવમાં આ આદત ટાળવી જોઈએ. જો તમે પહેલીવાર રોકાણ કરી રહ્યા છો તો તમે 4 કે 5 હજાર રૂપિયાથી શરૂઆત કરી શકો છો. અને જ્યારે તમનર થોડો એક્સપિરિયન્સ આવી જાય એ બાદ સારું રોકાણ કરી શકાય છે.

નુકશાન માટે હંમેશા તૈયાર રહો
એ વસ્તુ તો જાણીતી જ છે કે જો તમે જોખમ લેશો તો જ તમને સારું વળતર મળશે અને કઇ કંપનીનો આગામી સમય કેવો હશે તે વિશે કંઇ કહી શકાય નહીં. તેથી, શક્ય છે કે તમે સતત નફો કરતા હશો અને પછી નુકસાન ઉઠાવવાનું પણ શરૂ થાય તો આ માટે તૈયાર રહો.

મફત સલાહ એટલે મફત નુકશાન
આ સ્ટોક સરસ છે અને તેને લેશો તો નફો જ થશે. તમે લોભને વશ થઈને 50 રૂપિયાના 1000 શેર ખરીદ્યા. એટલે કે 50 હજારનું રોકાણ કર્યું હતું. બે દિવસ પછી સ્ટોક રૂ.25 પર રહ્યો હોવાનું જાણવા મળી શકે છે. એટલે કે આવા પેની સ્ટોક્સથી દૂર રહો.