સાબરકાંઠા / ઈડરમાં માસૂમ બાળકની હત્યા કરીને લાશ કૂવામાં નાખી, જાદુ ટોણામાં હત્યાનું સામે આવ્યું

સાબરકાંઠા જિલ્લાના ઈડર તાલુકાના સમલાપુર ગામમાંથી હૃદયકંપાવનારી ઘટના સામે આવી છે બે દિવસ પહેલા ગુમ થયેલા માસુમ બાળક કેવલજી ઠાકોરની અમાનુષી હત્યા થઈ હોવાની ઘટના ખુલતા સમગ્ર વિસ્તારમાં અરેરાટી ફેલાઈ છે જોકે પોલીસે ગણતરીના કલાકોમાં ભેદ ઉકેલી બાળક ની હત્યા કરનાર આરોપી સાવનજી ઠાકોર ની અટકાયત કરી વધુ તપાસ હાથ ધરી છે તેમજ ગત વર્ષે શંકાસ્પદ સંજોગોમાં ડેભોલ નદીમાંથી મૃત હાલત માં મૃતક ના મોટા ભાઈ અમિતજી ઠાકોરની પણ હત્યા કરાઈ હોવાની દિશામાં તપાસ શરૂ કરાઈ છે.

વેચાણના પ્લોટ માટે કરી માસૂમની હત્યા

ઈડરનું સમલાપુર ગામમાં ઠાકોર પરિવારે એક જ વર્ષના ગાળામાં પોતાના બં દીકરાઓને ગુમાવી દીધા છે. રવિવારે નાના દીકરા કેવલજી ઠાકોરનું અચાનક અપહરણ થતાં પરિવારે તુરંત પોલીસનો સંપર્ક સાધ્યો હતો. અરવિંદજી ઠાકોરના ગામમાં ચાર મકાનના ખુલ્લા પ્લોટ પૈકી એક પ્લોટ વેચાણની લેવા સાવનજી ઠાકોર નામનો શખ્સ અવાર નવાર દબાણ કરતો, સાથે જ પ્લોટ વેચાણે ન આપવા જેવી બાબતે વારંવાર ઝગડા પણ કરતો હોવાનું સામે આવ્યું છે, ત્યારે ઘટનાની ગંભીરતા જોઈ સ્થાનિક પોલીસે તપાસનો ધમધમાટ શરૂ કર્યો અને ગામના જ સાવનજી ઠાકોરની શંકાના આધારે અટકાયત કરીને કડક પૂછપરછ હાથ ધરી હતી. પોલીસે આરોપીની કડકાઈ થી પૂછપરછ કરતા ચોંકાવનારા ખુલાસાઓ થયા છે જેમાં તેને જ કેવલજી ઠાકોર નું અપહરણ કરી મોતને ઘાટ ઉતારી તેના મૃતદેહ ને કુવામાં ફેક્યો હોવાનું સ્વીકાર્યું છે સાથે સાથે અરવિંદજી ઠાકોર ના પરિવાર દ્વારા અમારા પરિવાર ઉપર જાદુ ટોના અંધશ્રદ્ધાના પગલે હત્યા થઈ હોવાનું સામે આવ્યું છે.

વધુ વાંચો : રાજકોટમાં સ્મશાન નજીક 12માં માળેથી કૂદીને યુવકે આપઘાત કર્યો, 3 મહિલાઓ વચ્ચે 'પીસાતો' હતો

આરોપીએ શું કબૂલાત કરી?

ઈડર પોલીસની પૂછપરછમાં આરોપી સાવનજી ભાંગી પડ્યો હતો અને તેણે કરેલા પાપનો ચિટ્ટો ખોલ્યો હતો. સાવનજીની કબૂલાત મુજબ, પ્લોટ વેચાણ લેવા જેવી જમીન-મિલકતની ક્ષુલ્લક બાબતને લઈને તેની દાનત બગડી હતી. આ વિવાદ સહિત અરવિંદજી ના પરિવાર દ્વારા જાદુટોણા કરી પોતાના પરિવારને પીડા આપી હોવાનું માની રહ્યો હતો જોકે અંધશ્રદ્ધા ના પગલે તેને હત્યા કરી હોવાનું સ્વીકાર્યું છે બીજી તરફ એક વર્ષ અગાઉ આ જ પરિવારના ડેભોલ નદીમાંથી અરવિંદજીના મોટા પુત્ર અમિતજી ઠાકોરનો મૃતદેહ શંકાસ્પદ હાલતમાં મળી આવ્યો હતો, જેને અત્યાર સુધી અકસ્માત કે અન્ય કારણ માનવામાં આવતું હતું, પરંતુ તે પણ સાવનજીની જ ક્રૂરતાનો ભોગ બન્યો હોવાની સંભાવનાઓ શરૂ થઈ છે તેમજ પોલીસે પણ તે દિશામાં તપાસ નો ધમધમાટ શરૂ કર્યો છે જોકે સ્થાનિક ગ્રામજનો આરોપી સાવનજી ઠાકોર સામે કડક કાર્યવાહીની માંગ કરી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ