ક્રાઈમ / રાજકોટમાં સ્મશાન નજીક 12માં માળેથી કૂદીને યુવકે આપઘાત કર્યો, 3 મહિલાઓ વચ્ચે 'પીસાતો' હતો

રાજકોટ ગંગોત્રી પાર્ક મેઇન રોડ પર 12 માળેથી કૂદીને એક વ્યક્તિએ આપઘાત કર્યો હતો. આપઘાત કરનારનું નામ નિમેષ ભંડેરી છે. મૃતકે ગત મોડી રાત્રે ડિવોર્સી લિવ-ઇન પાર્ટનરને ઘેર જઈને આપઘાત કર્યો હતો. આપઘાતની ઘટના CCTVમાં કેદ થઈ હતી.

એક મહિલા સાથે લગ્ન, બીજા સાથે મૈત્રી કરાર, ત્રીજી ફ્રેન્ડના ઘેરથી આપઘાત કર્યો

બે સંતાનનો પિતા નિમેષ છૂટાછેડા લીધેલી આશા પાડલીયા નામની મહિલા સાથે મૈત્રી કરારમાં રહેતો હતો. નિમેષ આશાના ઘરેથી પામ યુનિવર્સ બિલ્ડીંગમાં રહેતી કાજલ સ્લોતના ઘરે ગયો હતો. કાજલ અને આશા બંને એકબીજાની બહેનપણીઓ હોવાથી નિમેષ અને આશા અવારનવાર કાજલના ઘરે બેસવા માટે જતા હતા.

વધુ વાંચો : વારંવાર સંબંધ બાંધ્યો, ચોટીલા મંદિરે સેંથો પુરી પત્ની માની પણ લગ્ન ન કર્યાં, રાજકોટમાં યુવક ઝડપાયો

કોણ છે નિમેષ ભંડેરી

મૃતક નિમેષ ભંડેરી રાજકોટ શહેર ભાજપમાં વોર્ડ નંબર 17ના આગેવાન છે. તેણે વોર્ડમાં કિસાન મોરચાના સભ્યની પણ જવાબદારી સંભાળેલી છે.શહેર ભાજપ પ્રમુખ ડો.માધવ દવેએ એવું કહ્યું કે નિમેષ આમ આદમી પાર્ટીમાં જોડાયા હતા પરંતુ ભાજપમાં તેઓ એક કાર્યકર જ હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ