ધમકી / ‘બચાવી શકો તો ગુજરાતને બચાવજો.’- આતંકવાદીઓની ધમકીને પગલે ખળભળાટ

• ધમકી અંગેનો પત્ર મળતા જ IB અને પોલીસ સક્રિય
• DGP અને ઉચ્ચ અધિકારીઓની તાત્કાલિક બેઠક બોલાવી
• તમામ જીલ્લા પોલીસ અધિક્ષકેને એલર્ટ રહેવા આદેશ અપાયો 

મળતી માહિતી મુજબ સેન્ટ્રલ IB દ્વારા આ પત્ર સ્ટેટ IBને આપવામાં આવ્યો હતો. જેમાં જણાવાયું છે કે, અમે છેલ્લા ઘણાં દિવસથી તમારા શહેરમાં છીએ અને ચોક્કસ લોકોને ટાર્ગેટ કરી તેમના પર હુમલો પણ કરાશે. 

‘બચાવી શકો તો ગુજરાતને બચાવજો.’

રાજકીય સહિત પોલીસ અધિકારીઓ મળી 13 લોકોને આ પત્રમાં ટાર્ગેટ કરાયા હોવાનો ઉલ્લેખ કરવામાં આવ્યો છે. પત્રમાં સ્પષ્ટ લખ્યું છે કે, NRCના નામ પર આખા ગુજરાતમાં આતંકી હુમલો અને તોફાનો કરાવીશું. ‘બચાવી શકો તો ગુજરાતને બચાવજો.’, પુલવામા અને ઉરીને યાદ રાખજો. હવે મુસલમાનો એક થઈને બહાર નીકળશે. 

ડીજીપી શિવાનંદ ઝાએ મિટિંગ બોલાવી

આ પત્રને પગલે ડીજીપી શિવાનંદ ઝાએ મિટિંગ બોલાવી હતી અને પોલીસને સ્ટેન્ડ ટુ રાખવાના આદેશ આપવામાં આવ્યા છે. ધમકીભર્યા પત્રમાં અમિત શાહ, CM રૂપાણી, નીતિન પટેલ, જીતુ વાઘાણી, DGP, અમદાવાદ શહેર પોલીસ કમિશનર, દિલીપદાસજી, પ્રવિણ તોડગડિયા, ભુષણ ભટ્ટ સહિતના નામનો પણ સમાવેશ છે.

પત્રમાં શું ધમકી અપાઇ? 

‘અમે છેલ્લા ઘણા દિવસથી તમારા શહેરમાં છીએ. અમે તમારા અમુક સ્થળો ઉપર અને અમુક લોકો પર હુમલા કરીશું. ઘણા સ્થળોએ દંગા પણ કરીશું. બચાવી શકો તો બચાવજો ગુજરાતને. પુલવામા અને ઉરીને યાદ રાખજો. હવે ખરાબ સમય શરૂ થશે. હવે મુસલમાનો એક થઈને બહાર નીકળશે. NRCના નામ પર આખા ગુજરાતમાં આતંક, દંગા અને સમય મળતા જ હુમલો પણ કરશે. એક મોટા આતંકી હુમલા માટે તૈયાર રહેવું.’

પત્રમાં આ 13 લોકોને ધમકી 

• કેન્દ્રિય ગૃહમંત્રી અમિત શાહ
• ગુજરાતના મુખ્યમંત્રી વિજય રૂપાણી
• ગુજરાતના નાયબ મુખ્યમંત્રી નીતિન પટેલ
• ગુજરાત પોલીસના વડા શિવાનંદ ઝા
• ગુજરાત ભાજપના પ્રમુખ જીતુ વાઘાણી
• ગુજરાતના ગૃહમંત્રી પ્રદીપસિંહ જાડેજા
• જગન્નાથ મંદિરના દિલિપદાસજી મહારાજ
• પોલીસ કમિશ્નર આશિષ ભાટિયા
• આંતરરાષ્ટ્રીય હિન્દુ પરિષદના નેતા પ્રવીણ તોગડિયા
• કોંગ્રેસ ધારાસભ્ય શૈલેષ પરમાર 
• ગુજરાત હાઇકોર્ટના ચીફ જસ્ટિસ
• ભરત બારોટ (દરિયાપુર)
• ભૂષણ ભટ્ટ (ખાડિયા)