- આવતીકાલે ભારત બંધનું એલાન
- કૃષિ મંત્રી નરેન્દ્ર સિંહ તોમરે ખેડૂતોને કરી મોટી અપીલ
- આંદોલનનો માર્ગ છોડીને મંત્રણાનો રસ્તો અપનાવો
કૃષિ મંત્રી નરેન્દ્ર સિંહ તોમરે જણાવ્યું કે હું ખેડૂતોને આગ્રહ કરુ છુંકે તેઓ આંદોલન છોડીને મંત્રણાનો માર્ગ અપનાવો. સરકાર તેમના વાંધા-વચકાઓનો વિચાર કરવા તૈયાર છે અને આ પહેલા પણ અનેક વાર મંત્રણા કરી ચૂકી છે અને ભવિષ્યમાં પણ ચાલુ રાખશે.
કૃષિ મંત્રીએ કહ્યું કે જો ખેડૂતોને લાગતું હોય તો હજુ પણ કંઈ રહી ગયું છે તો સરકાર તે મુદ્દે વાત કરવા તૈયાર છે.
છેલ્લા કેટલાય સમયથી ખેડૂતો નવા કૃષિ કાયદાનો વિરોધ કરી રહ્યા છે. ત્યારે આવતીકાલે એટલે કે 27 સપ્ટેમ્બરના રોજ કિસાન મોર્ચા દ્વારા ભારત બંધનું એલાન કરવામાં આવ્યું છે. સંયુક્ત કિસાન મોર્ચાના કુલ 40 સંગઠનોની સાથે રાજકીય પાર્ટીઓ તેમના સમર્થનમાં આવી છે. જેથી દિલ્હી અને આસપાસના વિસ્તારમાં અત્યારથી પોલીસનો ચુસ્ત બંદોબસ્ત ગોઠવી દેવામાં આવ્યો છે.
ખેડૂતો હવે આરપારના મૂડમાં
આંદોલન શરૂ થશે 10 મહિના ઉપર થયા તેમ છતા પણ સરકાર દ્વારા કાયદાઓને રદ કરવામાં નથખી આવ્યા જેને કારણે ખેડૂતો હવે રોષે ભરાયા છે અને હવે તેઓ આર ક્યાતો પારના મૂડમાં જોવા મળી રહ્યા છે.
શું ખુલ્લુ રહેશે અને શું બંધ રહેશે ?
ભારત બંધને લઈને સંયુક્ત કિસાન મોર્ચા દ્વારા કહેવામાં આવ્યું છે કે સવારના 6 વાગ્યા લઈને લઈને સાંજન 4 વા્યા સુધી ભારત બંધ રહેશે. જે સમયગાળામાં બધીજ સરકારી કચેરીઓ, શિક્ષણ સંસ્થાન, દુકાનો અને ઉદ્યોગો બંધ રહેશે. જ્યારે હોસ્પિટલો, દવાની દુકાનો એમ્બ્યુલન્સ સેવા જેવી ઈમરજન્સી સેવાઓને ચાલુજ રહેશે.
રાજકીય પાર્ટીઓનું ખેડૂતોને સમર્થન
સંયુક્ત કિસાન મોર્ચાના ભારત બંધને ઘણી રાજકીય પાર્ટચીઓ દ્વારા સમર્થન આપવામાં આવ્યું છે. જેમા પંજાબના મુખ્યમંત્રી ચન્નીએ પણ ભારત બંધને સમર્થન આપ્યું છે. બીજી તરફ બિહાર વિધાનસભાના નેતા તેજસ્વી યાદવે પણ ભારત બંધમાં શામેલ થવાની જાહેરાત કરી છે. તે સિવાય આમ આદમી પાર્ટી, આંધ્ર સરકાર, તૃણમૂલ કોંગ્રેસ જેવી મોટા ભાગની રાજકીય પાર્ટીઓ દ્વારા પણ ભારતબંધને સમર્થન આપવામાં આવ્યું છે.
