મનોરંજન / 'હું એકટર છું, સ્ટાર નહીં..' શાહરુખ-સલમાનનું ઉદાહરણ આપીને મનોજ વાજપેયીએ જણાવી સ્ટારડમની વ્યાખ્યા

• અમિતાભ બચ્ચનને લઈને મનોજ વાજપેયીએ કહી આ વાત 
• મનોજ વાજપેયી એ જણાવી સ્ટારની વ્યાખ્યા 
• હું એક અભિનેતા છું. સ્ટાર્સ સલમાન અને શાહરૂખ છે 

અભિનેતા મનોજ વાજપેયીની નવી ફિલ્મ ગુલમહોર રિલીઝ થવા જઈ રહી છે. જણાવી દઈએ કે આજકાલ અભિનેતા તેમની ફિલ્મના પ્રમોશનમાં ઘણા વ્યસ્ત છે અને એ દરમિયાન મનોજ બાજપેયીનું એક ઇન્ટરવ્યૂ ઘણું વાયરલ થઈ રહ્યું છે. એ ઇન્ટરવ્યૂમાં એમને પૂછવામાં આવ્યું હતું કે શું તેમને લાગે છે કે હવે તેઓ હવે સ્ટાર બની ગયા છે? આ સવાલના જવાબમાં અભિનેતાએ કહ્યું કે તે સ્ટાર નથી.જો કે એટલું જ નહીં એમને અમિતાભ બચ્ચન, શાહરૂખ ખાન અને સલમાન ખાનનું ઉદાહરણ આપીને એક કહી હતી જેને સાંભળીને ત્યાં હજાર દરેક લોકો ચોંકી ગયા હતા, ચાલો જાણીએ શું કહ્યું એમને.. 

બોલિવૂડમાં કામ નહીં નામ બોલતા હૈ?#bollywood #vtvcard #VtvGujarati #familyman pic.twitter.com/ovirQFkQ0B

— VTV Gujarati News and Beyond (@VtvGujarati) February 16, 2023

અમિતાભ બચ્ચનને લઈને મનોજ વાજપેયીએ કહી આ વાત 
મનોજ વાજપેયી એ આરજે સિધ્ધાર્થ કન્નને ઇન્ટરવ્યૂ આપતા કહ્યું હતું કે, 'અમિતાભ બચ્ચનના ઘરની બહાર દર રવિવારે મોટી સંખ્યામાં ફેન્સનો જમાવડો જોવા મળે છે, દર રવિવારે અમિતાભ બહાર આવીને તેના ફેન્સને એક પોતાની એક ઝલક બતાવવા માટે બહાર આવે છે. શાહરુખ ખાન દર અઠવાડિયે તેમના ઘર મન્નતની બહાર તેમના ચાહકોને શુભેચ્છા પાઠવતા જોવા મળે છે, સલમાન ખાન તેના જન્મદિવસ અને ખાસ પ્રસંગોએ તેના ગેલેક્સી એપાર્ટમેન્ટની બાલ્કનીમાં જોવા મળે છે. તેની એક ઝલક જોઈને ચાહકો બૂમો પાડવા લાગે છે.

મનોજ વાજપેયી એ જણાવી સ્ટારની વ્યાખ્યા 
આ વિશે વાત કરતાં એમને આગળ કહ્યું કે, “ખબર છે સ્ટાર શું હોય છે? સ્ટાર છે બચ્ચન સાહેબ, જેમના બંગલા પાસેથી હું પસાર થાઉં છું તો હું જોઉં છું કે તેમની એક ઝલક મેળવવા માટે રસ્તો જામ છે. 80 વર્ષની ઉંમરે લોકો તેમને જોવા માટે તેમના ઘરની બહાર કલાકો સુધી ઉભા રહે છે. સલમાન ખાનને જુઓ, તેના ઘરની બહાર એટલી ભીડ જમા થાય છે કે લાઠીચાર્જ કરવો પડે છે. શાહરૂખને જોવા માટે દુનિયાભરમાંથી લોકો આવે છે. આને સ્ટારડમ કહેવાય. 

હું એક અભિનેતા છું. સ્ટાર્સ સલમાન અને શાહરૂખ છે 
સ્ટારની વ્યાખ્યા વિશે વાત કરતાં મનોજ વાજપેયીએ કહ્યું કે "અમે શું છીએ? પ્રેક્ષકો અમારું સન્માન કરે છે. જ્યારે અમે મળીએ છીએ, ત્યારે તેઓ કહે છે, 'તમે શાનદાર કામ કરો છો, અમે તમારી દરેક ફિલ્મ જોઈએ છીએ પણ જેમ સલમાન અને શાહરૂખની વાત આવે કે તે લોકો બૂમો પાડવા લાગે છે. ટૂંકમાં હું એક અભિનેતા છું. સ્ટાર્સ છે સલમાન ખાન, શાહરૂખ ખાન. હું જનતાનો એક ભાગ છું. હું અહીંથી જ આવ્યો છું."