Winter Recipe / આમળુ ખાવું ન ગમતું હોય તો ઘરે જ બનાવો આમળાની આ ખાટ્ટી-મીઠી ગોળીઓ, આખું વર્ષ સ્ટોર કરી શકશો

Last Updated: 12:31 PM, 17 November 2019

FOLLOW ON

શેર કરો

શિયાળાની શરૂઆત થઈ ગઈ છે. શિયાળાો એટલે ખાવાની સીઝન. આ સીઝનમાં તમે જેટલું ખાઓ એટલું ઓછું છે. હેલ્થ બનાવવા અને હેલ્ધી વસ્તુઓ ખાવા માટે શિયાળો બેસ્ટ માનવામાં આવે છે. એમાંય શિયાળામાં જ મળતાં આમળા આ સીઝનનો સૌથી હેલ્ધી ફ્રૂટ માનવામાં આવે છે. તેમાં પુષ્કળ પ્રમાણમાં એન્ટીઓક્સીડેન્ટ્સ, વિટામિન સી, કેલ્શિયમ, આયર્ન, મિનરલ્સ અને વિટામિન્સ હોય છે. સમયથી પહેલા વૃદ્વાવસ્થાના લક્ષણોને રોકવા માટે આમળા ઘણાં મદદરૂપ છે. પણ ઘણાં લોકોને આમળા ખાવા ગમતા નથી. જેથી તેઓ આમળાની અવનવી રેસિપી ટ્રાય કરે છે. આજે અમે તમને આમળાની એવી સ્વાદિષ્ટ, સુપાચ્ય, સરળ અને સ્વાસ્થ્ય માટે અત્યંત લાભકારક, નાના-મોટા સૌ ખાઈ શકે એવી ગોળીઓ બનાવવાની રીત જણાવીશું, જે એકવાર બનાવીને તમે આખું વર્ષ તેને સ્ટોર કરીને ખાઈ સકશો. તો ચાલો બનાવીએ.

સામગ્રી

આમળા- 250 ગ્રામ
ખાંડ- 400 ગ્રામ
લીંબુનો રસ- 1 ચમચી
સંચળ- 1/4 ચમચી
કોર્નફ્લોર- 1 ચમચી
દેશી ઘી- 1 ચમચી
દળેલી ખાંડ- 2 ચમચી

રીત

સૌથી પહેલાં આમળા લઈ તેને સરખી રીતે ધોઈને ચૂછી લેવા. પછી કૂકરમાં 1 નાનો ગ્લાસ પાણી નાખી 4 સીટીમાં આમળા બાફી લેવા. પછી સીટી ખુલે એટલે આમળા ડિશમાં કાઢી તેની કળીઓ અલગ કરી દેવી અને બીજ કાઢી દેવા. પછી આમળાને મિક્સરમાં લઈને પીસી લેવું. પછી એક નોનસ્ટીક પેનમાં અથવા સ્ટીલની કડાઈ લઈ તેમાં આમળાની પેસ્ટ નાખવી. પછી મીડિયમ આંચ પર આમળાની પેસ્ટને 3 મિનિટ પકાવી તેમાં ખાંડ ઉમેરવી. પછી સતત હલાવતા રહેવું. પછી તેમાં લીંબુનો રસ નાખવો.પછી તેમાં સંચળ, કોર્ન ફ્લોર થોડું થોડું નાખી હલાવવું. છેલ્લે તેમાં 1 ચમચી ઘી નાખવું. 5 મિનિટ વધુ પકાવવું. સહેજ ઘટ્ટ થાય એટલે ગેસ બંધ કરી ઠંડુ થાય એટલે તેની નાની-નાની ગોળીઓ બનાવી લેવી. પછી દળેલી ખાંડમાં લપેટી એર ટાઈટ બરણીમાં ભરી લો. તમે આ ગોળીઓ આખું વર્ષ સ્ટોર કરી શકો છો અને ખાઈ શકો છો.

સંકળાયેલા મુદ્દાઓ

Gooseberry candy Winter Recipe healthy recipe sweet and sour આમળા કેન્ડી આમળાની ગોળીઓ ફાયદા Winter Recipe

Noor