સમર ડ્રિંક / આ કાળઝાળ ગરમીમાં શરીરને ઠંડુ અને ફ્રેશ રાખવા ઘરે બનાવી શિકંજી

આ કાળઝાળ ગરમીમાં પરસેવો અને ગરમ પવનોથી ભરેલી સિઝન છે, જેના કારણે શરીરમાં ઝડપથી થાક લાગી જાય છે, અને વ્યક્તિને વારંવાર કંઈક ઠંડુ પીવાની ઇચ્છા થાય છે. આવા સમયે, ઘરે બનાવેલા, ઠંડા શિકંજી સ્વાદ અને સ્વાસ્થ્ય બંને માટે ઉત્તમ પસંદગી માનવામાં આવે છે. લીંબુ, ફુદીના અને પરંપરાગત ભારતીય મસાલાઓથી તૈયાર કરાયેલ આ પરંપરાગત પીણું શરીરને તાત્કાલિક તાજગી આપવામાં મદદ કરે છે.

હેલ્થ એક્સપર્ટના મતે, લીંબુમાં જોવા મળતું વિટામિન સી શરીરની રોગપ્રતિકારક શક્તિ વધારવામાં મદદ કરે છે માનવામાં આવે છે. સાથે જ હેલ્દી વસ્તુમાંથી બનાવવામાં આવતું હોવાથી, આ પીણું કોલ્ડ ડ્રિંક કરતાં ઘણું શ્રેષ્ઠ છે, જેમાં એસિડ અને હાનિકારક કેમિકલ હોય છે. આવો જાણીએ, આ સ્વાદિષ્ટ અને તાજગી આપનાર ડ્રિંક બનાવવાની સરળ રીત.

શિકંજી બનાવવા માટે જરૂરી સામગ્રી:

• 2 તાજા અને રસદાર લીંબુ.
• 3 થી 4 ગ્લાસ ઠંડુ પાણી.
• 2 થી 3 ચમચી ખાંડ.
• અડધી ચમચી કાળું મીઠું.
• અડધી ચમચી શેકેલા જીરાનો પાવડર.
• સ્વાદ વધારવા માટે એક ચપટી ચાટ મસાલા.
• તાજા ફુદીનાના પાન.
• થોડા બરફના ટુકડા.
• વૈકલ્પિક રીતે, તમે સોડા ઉમેરીને પણ તેને તૈયાર કરી શકો છો.

આ સરળ, સ્ટેપ-બાય-સ્ટેપ રેસિપીનો ઉપયોગ કરીને શિકંજી બનાવો

• સૌપ્રથમ એક મોટા પાત્રમાં ઠંડુ પાણી લો
• હવે, તાજા લીંબુનો રસ સારી રીતે નિચોવી લો.
• ત્યાર બાદ તેમાં ખાંડ ઉમેરો અને સારી રીતે મિક્સ કરો.
• પછી કાળું મીઠું, શેકેલું જીરું પાવડર અને થોડો ચાટ મસાલો મિક્સ કરો.
• ફુદીનાના પાનને હળવા હાથે ક્રશ કરો અને તેને પીણામાં ઉમેરો. તે શિકંજીની તાજગીભરી સુગંધ અને સ્વાદમાં વધારો કરશે.

આ પણ વાંચોઃ સવારે ખાલી પેટ પીવો ઘાણાનું પાણી, થશે અનેક ફાયદા

• છેલ્લે, બરફના ટુકડા ઉમેરો અને સારી રીતે મિક્સ કરો.
• જો ઇચ્છિત હોય, તો તમે તેને વધુ તાજગી આપવા માટે સોડા ઉમેરી શકો છો.
• આ રીતે, તમારી ઠંડી શિકંજી તૈયાર થઈ જશે, જેનો આનંદ માણીને તમે ગરમીથી રાહત મેળવી શકો છો. યાદ રાખો કે, શિકંજીને હેલ્દી બનાવવા માટે ઓછી ખાંડનો ઉપયોગ કરો.

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ