ઉત્તર પ્રદેશ / હવે વારાણસી બહાર ખસેડાશે નોનવેજની દુકાનો, શ્રદ્ધાળુઓને મોટી રાહત

વારાણસીમાં મીટ, માંસ અને માછલી બજારો હવે શહેરની બહાર ખસેડવામાં આવશે. આનો અર્થ એ થયો કે શહેરમાં કાચું માંસ અને માછલી હવે નહી મળે. વારાણસી મ્યુનિસિપલ કોર્પોરેશનની બેઠકમાં આ નિર્ણય લેવામાં આવ્યો હતો. બેઠકમાં નિર્ણય લેવામાં આવ્યો હતો કે કાશીમાં કોઈ માંસ, મીટ કે માછલીની દુકાનો ચલાવાશે નહી. તેમને શહેરની સીમાની બહાર ખસેડવામાં આવશે. હવે કાશીમાં બધી માંસ અને માછલીની દુકાનો રામનગર, સુજાબાદ, ગણેશપુર, અવલેશપુર અને શિવપુરમાં ખસેડવામાં આવશે.

શહેરની બહાર સ્થળાંતરની માંગ

કાઉન્સિલર ગુલશન અલીએ ગયા વર્ષે મ્યુનિસિપલ કોર્પોરેશન ગૃહમાં આ મુદ્દો ઉઠાવ્યો હતો અને દુકાનોને શહેરની બહાર ખસેડવાની માંગ કરી હતી. ગુલશન અલીએ જણાવ્યું હતું કે શ્રાવણ મહિના દરમિયાન માંસની દુકાનો બંધ રહે છે, જેના કારણે વેપારીઓને મોટું નુકસાન થાય છે.

કાશીમાં ભક્તોની સંખ્યામાં વધારો

વારાણસીમાં કાશી વિશ્વનાથ ધામના નિર્માણ પછી ભક્તોની સંખ્યામાં સતત વધારો થઈ રહ્યો છે. ડિસેમ્બર 2021 માં કાશી વિશ્વનાથ કોરિડોરનું ઉદ્ઘાટન કરવામાં આવ્યું હતું. ત્યારથી અત્યાર સુધીમાં 29 કરોડ 80 લાખ શ્રદ્ધાળુઓ મંદિરમાં દર્શન કરી ચુક્યા છે. ઉનાળાની ગરમી છતાં છેલ્લા 60 દિવસોમાં 1 કરોડથી વધુ ભક્તોએ કાશી વિશ્વનાથ મંદિરની મુલાકાત લીધી છે.

નવરાત્રિ સુધી શહેરની બહાર થઇ જશે શિફ્ટ

મ્યુનિસિપલ કોર્પોરેશન જણાવે છે કે કાશીની શેરીઓમાં કાચા માંસ અને માછલીની દુકાનો હોવી અયોગ્ય છે. આને લઇ શ્રદ્ધાળુઓ પરેશાન બને છે, મ્યુનિસિપલ કોર્પોરેશન નવરાત્રિ સુધીમાં આ દુકાનો શહેરની બહાર ખસેડવાની તૈયારી કરી રહ્યું છે.

કાશીમાં વિવિધ માન્યતાઓ

વારાણસીમાં કાશી વિશ્વનાથ મંદિર 12 જ્યોતિર્લિંગોમાંનું એક છે, અને તેથી તેનું વિશેષ મહત્વ છે. પુરાણોમાં વર્ણવવામાં આવ્યું છે કે કાશીમાં મૃત્યુ થવા પર મોક્ષ (જન્મ અને મૃત્યુના ચક્રમાંથી મુક્તિ) પ્રાપ્ત થઇ શકે છે. આ જ કારણ છે કે ઘણા ભક્તો તેમના જીવનના અંતમાં કાશીની મુલાકાત લેવાની ઇચ્છા રાખે છે.

આ પણ વાંચોઃ નેશનલ / ઘરેલુ ગેસના ભાવ વધારા પર સરકારનું નિવેદન, પાકિસ્તાન અને અમેરિકા સાથે કરી સરખામણી

કાશી વિશ્વના સૌથી જૂના શહેરોમાંનું એક

કાશીને વિશ્વના સૌથી જૂના સતત વસેલા શહેરોમાંનું એક માનવામાં આવે છે. હજારો વર્ષોથી તે વેદ, પુરાણો, દર્શન, સંસ્કૃત અભ્યાસ અને ધાર્મિક પરંપરાઓનું મુખ્ય કેન્દ્ર રહ્યું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ