તમારા કામનું / PM Awas Yojana: ઘર ખરીદવા પર 2.67 લાખ રૂપિયાની મળે છે સબસિડી, આ રીતે તમે પણ કરો અપ્લાય

• પીએમ આવાસ યોજનાનો લો લાભ
• સરળ સ્ટેપ્સમાં કરો ઘર માટે અપ્લાય 
• સબ્સિડી મેળવવા માટે કરો અપ્લાય

પ્રધાનમંત્રી આવાસ યોજના ભારતમાં સરકાર દ્વારા શરૂ કરવામાં આવેલી સ્કીમ છે જેનો ઉદ્દેશ્ય શહેર અને ગ્રામીણ એરિયામાં સસ્તા ઘર ઉપલબ્ધ કરાવવાનો છે. આ યોજના હેઠળ પહેલીવાર ઘર ખરીદનાર લોકોને CLSS અથવા ક્રેડિય લિંક્ડ સબસિડી આપવામાં આવે છે. આ સબ્સિડી વધુમાં વધુ 2.67 લાખ રૂપિયા સુધીની હોઇ શકે છે. આ કેન્દ્ર સરકાર દ્વારા સ્પોન્સર્ડ સ્કીમ છે. આ સ્કીમનો ફાયદો 31 માર્ચ 2021 સુધી જ ઉઠાવી શકશો. જો તમે પણ આ સ્કીમનો ફાયદો નથી લીધો તો હાલ જ આ સરળ પ્રોસેસ દ્વારા કરી દો અપ્લાય. 

કોને મળશે સબ્સિડી 

• 3 લાખ સુધીની વાર્ષિક ઇન્કમવાળા લોકોને EWS સેક્શન હેઠળ 6.5 ટકા સબ્સિડી
• 3થી 6 લાખની વચ્ચેની ઇન્કમવાળા લોકોને LIG 6.5 ટકા સબ્સિડી 
• 6 થી 12 લાખ વચ્ચેની ઇન્કમ ધરાવનાર લોકોને MIG1 4 ટકાની ક્રેડિટ લિંક સબ્સિડી
• 12 થી 18 લાખ રૂપિયાની આવક ધરાવનાર વ્યક્તિને MIG2 સેક્શનનો લાભ મળે છે અને તે 3 ટકા ક્રેડિટ લિંક સબ્સિડી

2.50 લાખ રૂપિયા સુધીનો ફાયદો 
આ યોજના અંતર્ગત પહેલી વાર ઘર ખરીદનાર વ્યક્તિને અલગ અલગ કેટેગરી પ્રમાણે સબ્સિડી આપવામાં આવે છે. આ કેન્દ્ર સરકાર દ્વારા સ્પોન્સર્ડ સ્કીમ છે જેને 25 જૂન 2015ના રોજ શરૂ કરવામાં આવી હતી. 

આ રીતે કરો અપ્લાય

1. આ યોજનાનો લાભ ઉઠાવવા માટે સૌથી પહેલા PMAYની વૅબસાઇટ https://pmaymis.gov.in/ પર લોગ ઇન કરો
2. જો તમે LIG, MIG, EWS કેટેગરીમાં આવો છો તો અન્ય 3 કંપોનેંટ પર ક્લિક કરો
3. અહી પહેલા કૉલમમાં આધાર નંબર નાંખો, બીજી કૉલમમાં આધારમાં લખેલુ તમારુ નામ લખો
4. આ બાદ જે પેજ ખુલે તેના પર તમારી પર્સનલ ડિટેઇલ્સ નાંખો જેમકે નામ, એડ્રેસ, પરિવારના સદસ્યોની જાણકારી.
5. આ સિવાય નીચે બનેલા એક બોક્સ પર જ્યાં લખ્યું હશે કે આ દરેક જાણકારીને પ્રમાણિત કરો છો તેને ક્લિક કરો. 
6. દરેક જાણકારી ભરીને સબમિટ કરવા પર તમારે કેપ્ચા કોડ નાંખવો પડશે, જે બાદ તમારે ફોર્મ સબમિટ કરવાનુ રહેશે. 
7. એપ્લિકેશન ફોર્મની ફીઝ 100 રૂપિયા છે જ્યારે રજીસ્ટ્રેશન કરાવવા માટે 5000 રૂપિયા બેઁકમાં જમા કરાવવા પડશે. 

પ્રધાનમંત્રી આવાસ યોજનાની શરૂઆત વર્ષ 2015માં કરવામાં આવી હતી. કેન્દ્ર સરકારનો લક્ષ્ય છે કે વર્ષ 2022 સુધી દરેક વ્યક્તિને ઘર મળી જાય. આ યોજના હેઠળ પ્રોપર્ટીવાળા સાથે વગર પ્રોપર્ટીવાળા પણ ફાયદો લઇ શકશે.