નકલી દારુ કાંડ / ઉજ્જૈનથી 230 બોટલો લાવી દેશી દારૂ ભેળવ્યો, ગામડાઓમાંથી ભાવનગર પહોંચાડાયો હોવાની શંકા

ભાવનગરના વરતેજ ડુપ્લીકેટ દારૂના મુખ્ય સૂત્રધાર ગૌતમ સોલંકીના ઘરના દ્રશ્યો સામે આવ્યાં છે. ગૌતમ સોલંકીનું વરતેજની આંબલીવાડી વિસ્તાર માં આવ્યું છે. ગૌતમ સોલંકીની સાથે રઈસ અને મુકેશ નામના વ્યક્તિએ તેમના ઘરેથી દારૂમાં ભેળસેળ કર્યું હતું. બુટલેગરો ઉજ્જેનથી 130 દારુની બોટલો લાવ્યાં હતા અને ગૌતમ સૌલંકીના ઘેર જ દેશી દારુ ભેળવાયો હતો.પોલીસે હાલ 130 જેટલી બોટલો કબ્જે કરી છે.

નકલી અંગ્રેજી દારૂ પીવાથી 4ના મોત

વરતેજમાં નકલી અંગ્રેજી દારૂ પીવાથી 4ના મોત થયા છે. મધ્યપ્રદેશના ઉજ્જૈનથી 28 પેટી દારૂ લાવવામાં આવ્યો હતો. 15 પેટી જપ્ત કરાઈ અને 13 પેટીઓ જપ્ત કરવા દોડધામ મચી હતી.

દારુનો જથ્થો અમદાવાદ ગ્રામ્યથી ભાવનગર ગયો હોવાની આશંકા

નકલી દારૂનો જથ્થો અમદાવાદ ગ્રામ્યના કોઈ ગામમાં પહોંચ્યો હોવાની આશંકા છે. પોલીસ દ્વારા અમદાવાદ ગ્રામ્યના તમામ સરપંચો સાથે કરી મિટિંગ કરી છે. પોલીસે કોઈને પણ રોયલ સ્ટેગ નામનો વિદેશી દારૂનું સેવન ના કરે તે માટેની અપીલ કરી છે.