હેલ્થ / આઈ ફ્લૂ: આંખમાં જોવાથી નથી ફેલાતી તો કઈ રીતે ફેલાય છે આ બીમારી? જાણો બચવાના ઉપાય

• અનેક રાજ્યોમાં આઈ ફ્લૂના કેસ વધી રહ્યા છે
• ચોમાસામાં આ કેસમાં સતત વધારો થઈ રહ્યો છે
• આઈ ફ્લૂ એક વ્યક્તિમાંથી અન્ય વ્યક્તિમાં કેવી રીતે ફેલાય છે?

દિલ્હી સહિત અનેક રાજ્યોમાં આઈ ફ્લૂના કેસ વધી રહ્યા છે. આઈ ફ્લૂને કંજક્ટિવાઈટીસ અને પિંક આઈઝ તરીકે ઓળખવામાં આવે છે. ચોમાસામાં આ કેસમાં સતત વધારો થઈ રહ્યો છે. ચોમાસામાં બેક્ટેરિયાનો ઉપદ્રવ વધી જાય છે, જેના કારણે આંખમાંથી પાણી નીકળે છે અને આંખોમાં ખંજવાળ આવે છે. આઈ ફ્લૂ સંક્રામક હોય છે, જે એક વ્યક્તિમાંથી અન્ય વ્યક્તિમાં સરળતાથી ફેલાય છે. આઈ ફ્લૂ એક વ્યક્તિમાંથી અન્ય વ્યક્તિમાં કેવી રીતે ફેલાય છે, તે અંગે અહીંયા જણાવવામાં આવ્યું છે.

આઈ ફ્લૂ (What is Eye Flu)
આઈ ફ્લૂ, આંખોમાં થતુ એક ઈન્ફેક્શન છે, જેને કંજક્ટિવાઈટીસ પણ કહેવામાં આવે છે. આ ઈન્ફેક્શનના કારણે સંક્રમિત વ્યક્તિની આંખો લાલ થઈ જાય છે. ઉપરાંત આંખોમાંથી પાણી પણ નીકળે છે, જેના કારણે સ્પષ્ટ દેખાતું નથી. 

આઈ ફ્લૂના લક્ષણો (Eye Flu Symptoms)

• બળતરા
• ખંજવાળ
• આંખોમાંથી પાણી નીકળવું
• આંખો લાલ થવી

આઈ ફ્લૂ એક વ્યક્તિમાંથી અન્ય વ્યક્તિમાં કેવી રીતે ફેલાય છે? (How Eye Flu Speards One Person to Another)

• સંક્રમિત વ્યક્તિના સંપર્કમાં આવવાથી આઈ ફ્લૂ સરળતાથી ફેલાય છે. અનેક લોકો એવું માને છે કે, સંક્રમિત વ્યક્તિની આંખોમાં જોવાથી આઈ ફ્લૂ ફેલાય છે. સંક્રમિત વ્યક્તિની વસ્તુને અડકવાથી આઈ ફ્લૂ થાય છે. 
• સંક્રમિત વ્યક્તિની આંખોમાંથી નીકળતા તરલ પદાર્થ અથવા પાણીના સંપર્કમાં આવવાથી ફેલાય છે. સંક્રમિત વ્યક્તિની આંખોમાંથી નીકળતા પાણીને અડવાથી, તે હાથ મોઢા અથવા નાક પર લગાવવાથી ઈન્ફેક્શન થઈ શકે છે. 
• સંક્રમિત વ્યક્તિની વ્યક્તિગત વસ્તુનો ઉપયોગ કરવાથી આઈ ફ્લૂ ફેલાઈ શકે છે. સંક્રમિત વ્યક્તિએ જે પણ વસ્તુનો ઉપયોગ કર્યો હોય તે વસ્તુને અડવું ના જોઈએ.
• સંક્રમિત વ્યક્તિની આંખોમાં જોવાથી આઈ ફ્લૂ થાય છે, તે બાબત તદ્દન ખોટી છે. આંખોમાંથી નીકળતા પાણીથી સંક્રમણ ફેલાય છે. 

આઈ ફ્લૂથી બચવાના ઉપાય (Eye Flu Prevention Tips)

• વારંવાર હાથ ધોતા રહો
• આંખ, નાક અને મોઢાને અડવું નહીં
• સંક્રમિત વ્યક્તિની વસ્તુઓનો ઉપયોગ ના કરવો
• બહાર નીકળતા સમયે ચશ્મા પહેરવા

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)