Holashtak 2022 / ક્યારથી શરૂ થાય છે હોળાષ્ટક? જાણો આ દિવસોમાં કેમ નથી કરવામાં આવતું કોઈ શુભ કામ

• હોળાષ્ટક પર શા માટે નથી થતુ કોઈ શુભ કામ? 
• જાણો છે તેના પાછળનું કારણ
• આ દિવસોમાં પૂજા પાઠ છે શ્રેષ્ઠ

હોળીનો તહેવાર ફાગણ મહિનાની પૂર્ણિમાની તારીખે ઉજવવામાં આવે છે. હોળીના આઠ દિવસોને હોળાષ્ટક કહેવામાં આવે છે. આ વખતે હોળાષ્ટક 10 માર્ચથી શરૂ થશે. હોળાષ્ટક શબ્દ હોળી અને અષ્ટકથી બનેલો છે. હોળાષ્ટક દરમિયાન ઘરમાં પ્રવેશ, મુંડન, સગાઈ, લગ્ન વગેરે જેવા કોઈ પણ શુભ કાર્ય કરવાની મનાઈ છે.

જો કે આ સમય પૂજા વગેરેની દ્રષ્ટિએ ખૂબ જ શુભ માનવામાં આવે છે. તેની પાછળ હિરણ્યકશિપ અને પ્રહલાદની વાર્તા કહેવામાં આવી છે. પરંતુ જ્યોતિષના મતે અન્ય કારણો પણ છે જેના કારણે હોલાષ્ટકનો સમય શુભ કાર્ય માટે યોગ્ય માનવામાં આવતો નથી. અહીં જાણો શા માટે હોલાષ્ટક દરમિયાન શુભ કાર્ય કરવાની મનાઈ છે.

આ છે જ્યોતિષીય કારણ 
જ્યોતિષવિદોના જણાવ્યા અનુસાર હોળાષ્ટકના દિવસમાં વાતાવરણમાં નકારાત્મકતાનો પ્રભાવ હોય છે. દરેક ગ્રહોના પ્રભાવ નકારાત્મક થઈ જાય છે. હોળાષ્ટકની શરૂઆત અષ્ટમી તિથિથી થાય છે. એવામાં અષ્ટમી તિથિને ચંદ્ર, નવમીને સૂર્ય, દશમીએ શનિ, એકાદશીએ શુક્ર, દ્વાદશીએ ગુરૂ, ત્રયોદશીએ બુધ, ચતુર્દશીએ મંગળ અને પૂર્ણિમાએ રાહુની ઉર્જા ખૂબ નકારાત્મક રહે છે. તેની અસર વ્યક્તિના વિચારવા અને સમજ ક્ષમતા પર પડે છે. જેનાથી વ્યક્તિ કોઈ ખોટો નિર્ણય લઈ શકે છે. 

તે ઉપરાંત આ સમયમાં જો કોઈ શુભ કામ કરવામાં આવે તો ગ્રહોના નકારાત્મકત પ્રભાવના કારણે તમને તેનો સહયોગ નથી મળી શકતો. એવામાં તમારૂ કામ બગડી શકે છે. આ સ્થિતિના પ્રભાવથી પોતાને બચાવવા માટે પ્રભુના નામનું સ્મરણ કરવા માટે કહેવામાં આવ્યું છે. માટે હોળાષ્ટકમાં ઈશ્વરનું નામ લેવા અને પૂજા પાઠ કરવું ખૂબ જ શુભ માનવામાં આવે છે. પરંતુ માંગલિક કાર્યો કરવાની મનાઈ હોય છે.