બિઝનેસ / RBIએ રેપો રેટ વધારતા તમારી લોનની EMI પર પડશે અસર, જાણો હવે કેટલા વધુ રૂપિયા ચૂકવવા પડશે

• RBIએ રેપો રેટ ફરી વધાર્યો
• EMI પર વધુ રૂપિયા ચૂકવવા પડશે
• 1.50% જેટલો રેપો રેટ વધ્યો

ભારતીય રિઝર્વ બેંકે ફરી એકવાર વ્યાજનાં દરો વધારવાનું નક્કી કર્યું છે. RBIના આ નિર્ણયથી EMIથી લોન લેનારાઓ પર મોટી અસર થઇ શકે છે. રેપોરેટ વધવાથી એ તો નક્કી થઇ ગયું છે કે લોકોએ હવે લોન પર વધુ વ્યાજ યૂકવવું પડશે.

તહેવારો પર લોકોને લાગ્યો ઝટકો
RBI દ્વારા રેપોરેટમાં 50 બેસિસ પોઇન્ટનો વધારો કરવાનું નક્કી કર્યા બાદ મે મહિનાથી અત્યાર સુધીમાં 150 બેસિસ પોઇન્ટનો વધારો થઇ ચૂક્યો છે. આ નિર્ણયથી સૌથી મોટો ઝટકો લાગશે બેંકથી લોન લેનારાઓને. રેપોરેટ વધવાથી સ્વાભાવિક છે કે બેંકો પોતાના વ્યાજના દરોમાં વધારો કરશે તેથી તેમના દ્વારા ફાળવવામાં આવેલી લોનની EMI પણ વધી જશે. 

જો કોઇ બેંકે મે મહિનામાં  6.5% ના વ્યાજદરે લોન આપેલ છે તો રેપોરેટ વધી જવાને કારણે એ લોનના વ્યાજનો દર ઓછામાં ઓછો 1.5% વધી જશે.એટલે કે 6.5 %ના વ્યાજદરને બદલે હવે બેંક ઓછામાં ઓછા 8 ટકા વાર્ષિક વ્યાજ ચાર્જ કરશે.

આવો ઉદાહરણથી સમજીએ...

ઉદાહરણ તરીકે સુરેશ નામક એક વ્યકિતએ 6 મહિના પહેલાં 6.5%ના દર પર બેંકથી 10 લાખ રૂ.ની લોન 10 વર્ષ માટે લીધેલ છે. તેના આ લોનની  EMI તે સમયે 11,355 રૂ. હતી. તે સમયથી આજ સુધીમાં રેપોરેટમાં 150 બેસિસ પોઇન્ટનો વધારો થયો છે. તેથી 6.5% ના વ્યાજદરે લોન લીધેલ હતી જેના પર ઓછામાં ઓછો 1.5% કે તેથી વધુ ચાર્જ હવે બેંક વસૂલશે. તેથી સુરેશે નવી EMIનાં 8% ના વ્યાજદરને ધ્યાનમાં રાખીને પોતાની લોન પર  778 રૂ. વધુ ચૂકવવા પડશે.
 

લોનની રકમ

વર્ષ

EMI રૂ. માં

કુલ વ્યાજ

કુલ બાકી રકમ (રૂ.માં)

10 લાખ (મે મહિનામાં)

10 લાખ (વર્તમાન)