હવામાન અપડેટ / ગુજરાત સહિત આ રાજ્યોમાં ધબધબાટી બોલાવશે વરસાદ, હવામાન વિભાગનું એલર્ટ જાહેર

Gujarat Rain Forecast : ગુજરાત સહીત દેશના અનેક રાજ્યોમાં આગામી ત્રણથી લઈ પાંચ દિવસ સુધી ભારે વરસાદની આગાહી હવામાન વિભાગ દ્વારા જાહેર કરવામાં આવી છે. જેમાં ખાસ કરીને કોંકણ, ગોવા, મધ્ય સૌરાષ્ટ્ર, કચ્છ, મહારાષ્ટ્ર, ગુજરાત, ઉત્તર પ્રદેશ બિહાર અને પશ્ચિમ બંગાળના કેટલાક વિસ્તારોમાં હળવાથી ભારે વરસાદની સંભાવના છે.

હવામાન વિભાગે શનિવારે એલર્ટ જાહેર કરીને કહ્યું કે, હિમાલયના ક્ષેત્રમાં પરિવર્તન આવી રહ્યા છે. જેને લઈ પશ્ચિમ બંગાળ, સિક્કિમ, બિહારનું તાપમાન ઘટશે. આ સિવાય અરુણાચલ પ્રદેશ, નાગાલેન્ડ, મણિપુર, મિઝોરમ અને ત્રિપુરા, આસામ અને મેઘાલયમાં 2 થી 4 ઓક્ટોબર દરમિયાન વરસાદની સંભાવના છે.

29 અને 30 સપ્ટેમ્બરે દિલ્હીમાં વરસાદ પડી શકે

હવામાન વિભાગના જણાવ્યા અનુસાર આગામી છ દિવસમાં પૂર્વી ઉત્તર પ્રદેશમાં ભારે વરસાદની સંભાવના છે. આ સિવાય હિમાચલ પ્રદેશ, પંજાબ, હરિયાણા, ચંદીગઢ, દિલ્હી અને રાજસ્થાનના અલગ-અલગ વિસ્તારોમાં 29 અને 30 સપ્ટેમ્બરે વરસાદની સંભાવના છે.

વધુ વાંચો : સાંજના 4 વાગ્યા સુધીમાં ગુજરાતના 118 તાલુકાઓમાં વરસાદે બોલાવી રમઝટ, જાણો સૌથી વધુ ક્યાં વરસ્યો

દક્ષિણના આ રાજ્યોમાં આગામી ત્રણ દિવસમાં વરસાદ

હવામાન વિભાગના જણાવ્યા અનુસાર કેરળ અને માહેમાં આગામી ત્રણ દિવસમાં ભારે વરસાદ પડશે. આ સિવાય લક્ષદ્વીપમાં હળવો વરસાદ થવાની સંભાવના છે. તમિલનાડુ અને દક્ષિણ આંતરિક કર્ણાટકના વિવિધ વિસ્તારોમાં ભારે વરસાદની સંભાવના છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ