બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / ગીર સોમનાથ-અમરેલીમાં સાંબેલાધાર વરસાદ ખાબક્યો, દ.ગુજરાત-કાઠિયાવાડમાં ભારે વરસાદનું એલર્ટ
7 ફોટો ગેલેરી
Last Updated: 04:52 PM, 23 June 2026
FOLLOW ON
શેર કરો
1/7
ગીર સોમનાથ જિલ્લામાં મેઘરાજાએ જોરદાર એન્ટ્રી કરતા અનેક વિસ્તારોમાં વરસાદી માહોલ છવાઈ ગયો છે. ગીર ગઢડાના ધોકડવા ગામ સહિત આસપાસના વિસ્તારોમાં સાંબેલાધાર વરસાદ વરસતા જનજીવનમાં રાહતની લાગણી જોવા મળી હતી. ધોકડવા, સામેતર, બેડીયા, મોતીસર, સોનારિયા, આંબાડા, ઉગલા અને જશાધાર સહિતના ગામોમાં ધોધમાર વરસાદ નોંધાયો હતો. વરસાદના આગમન સાથે વાતાવરણમાં ઠંડક પ્રસરી ગઈ છે, જ્યારે ખેડૂતોમાં પણ ખુશીની લાગણી વ્યાપી છે. અનેક વિસ્તારોમાં રસ્તાઓ પર પાણી વહેતા જોવા મળ્યા હતા અને સમગ્ર પંથકમાં ચોમાસાની મોસમનો માહોલ જામ્યો હતો.
આ તસવીર શેર કરો
2/7
અમરેલી જિલ્લામાં ફરી એકવાર વરસાદી માહોલ જામ્યો છે. જાફરાબાદ તાલુકાના ટીંબી, હેમાળ, માણસા, દુધાળા, નાગેશ્રી સહિતના ગ્રામ્ય વિસ્તારોમાં ધોધમાર વરસાદ વરસ્યો હતો. ઉપરાંત ખાંભા તાલુકાના ડેડાણ, ખડાધાર, શ્યામગઢ અને આસપાસના ગામોમાં પણ સારો વરસાદ નોંધાયો છે. વરસાદના આગમનથી વાતાવરણમાં ઠંડક પ્રસરી ગઈ છે અને લોકોને ગરમીમાંથી રાહત મળી છે. ખેતીલાયક વરસાદ પડતા ખેડૂતોમાં ખુશીનો માહોલ જોવા મળી રહ્યો છે તેમજ કૃષિ કામગીરીને પણ વેગ મળવાની આશા વ્યક્ત કરવામાં આવી રહી છે.
આ તસવીર શેર કરો
3/7
દક્ષિણ ગુજરાતમાં વરસાદી માહોલ સતત જામ્યો છે. ડાંગ જિલ્લામાં સતત બીજા દિવસે પણ મેઘરાજાની મહેર યથાવત્ રહી છે. ગિરીમથક સાપુતારામાં આજે પણ વરસાદ વરસતા સમગ્ર વિસ્તાર હરિયાળીની ચાદરથી ઢંકાઈ ગયો છે. વરસાદના પગલે સર્પગંગા તળાવ આસપાસનું કુદરતી સૌંદર્ય વધુ ખીલી ઊઠ્યું છે, જ્યાં ધુમ્મસ અને ઠંડકભર્યા વાતાવરણ વચ્ચે મનમોહક નજારો સર્જાયો છે. આહલાદક વરસાદી માહોલને કારણે સાપુતારાની મુલાકાતે આવેલા પ્રવાસીઓમાં ખુશી અને ઉત્સાહનો માહોલ જોવા મળી રહ્યો છે, જ્યારે સ્થાનિકોમાં પણ સારા વરસાદને લઈને આનંદની લાગણી વ્યાપી છે.
આ તસવીર શેર કરો
4/7
વલસાડ જિલ્લામાં સતત બીજા દિવસે પણ વરસાદી માહોલ યથાવત રહ્યો છે. શહેર તેમજ આસપાસના વિસ્તારોમાં સવારથી જ ઝરમર વરસાદ વરસતા વાતાવરણમાં ઠંડક પ્રસરી ગઈ હતી. તિથલ રોડ, હાલર રોડ, રામવાડી સહિતના વિસ્તારોમાં વરસાદ નોંધાયો હતો, જ્યારે તિથલ, સેગવી, કોસંબા અને આસપાસના ગામોમાં પણ હળવાથી મધ્યમ વરસાદ પડ્યો હતો. છેલ્લા બે દિવસથી જિલ્લામાં વાદળછાયું અને વરસાદી વાતાવરણ જોવા મળી રહ્યું છે. ખેતી માટે અનુકૂળ વરસાદ થતાં ખેડૂતોમાં ખુશીનો માહોલ જોવા મળી રહ્યો છે અને વાવણીની કામગીરીને પણ વેગ મળવાની આશા વ્યક્ત કરવામાં આવી રહી છે.
આ તસવીર શેર કરો
5/7
મધ્ય ગુજરાત અને ઉત્તર ગુજરાતના વિસ્તારોમાં છૂટાછવાયા વરસાદી ઝાપટાં પડવાની સંભાવના વ્યક્ત કરવામાં આવી છે. ભારે વરસાદ અને તેજ પવનને કારણે નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે.
આ તસવીર શેર કરો
6/7
દરિયાકાંઠાના વિસ્તારોમાં રહેતા લોકો તેમજ માછીમારોને વિશેષ સાવચેતી રાખવા હવામાન વિભાગે સૂચના આપી છે. સમુદ્રમાં જવા ઇચ્છતા માછીમારોને હવામાનની સ્થિતિ અંગે સતત માહિતી મેળવવાની અપીલ કરવામાં આવી છે.
આ તસવીર શેર કરો
7/7
બીજી તરફ, રાજ્યમાં ચોમાસાની ગતિ પણ તેજ બની રહી છે. હવામાન વિભાગના અનુમાન મુજબ ગુજરાતમાં 26 જૂન આસપાસ સત્તાવાર રીતે ચોમાસું બેસવાની શક્યતા છે. વરસાદી સિસ્ટમો વધુ મજબૂત બનતાં આગામી દિવસોમાં રાજ્યના વિવિધ વિસ્તારોમાં સારો વરસાદ નોંધાઈ શકે છે. હવામાન વિભાગની આગાહીને ધ્યાનમાં રાખીને સ્થાનિક તંત્રને પણ જરૂરી સાવચેતી અને તૈયારી રાખવા સૂચના આપવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
