આરોગ્ય / જો તમને પણ છે આવી 8 આદતો, તો સુધારી દેજો, નહીંતર કિડનીને નુકસાન થતા કોઇ નહીં બચાવે!

કિડની આપણા શરીરનું એક એવું મહત્ત્વનું અંગ છે કે જે લોહીને ફિલ્ટર કરે છે અને શરીરમાંથી ઝેરી તત્વોને દૂર કરે છે. એટલા માટે જ આપણી કિડનીને સ્વસ્થ રાખવી આપણા શરીર માટે ખૂબ જ જરૂરી છે, પરંતુ આપણી કેટલીક રોજિંદી આદતો એવી છે કે જેના કારણે કિડનીને નુકસાન પહોંચે છે અને કિડનીની બીમારીનું જોખમ વધારી શકે છે. આપણે ઘણા સમય સુધી આવી આદતો પર ધ્યાન આપતા નથી અને ધીરે ધીરે કિડનીને નુકસાન થવા લાગે છે. ત્યારે આજે એવી જ આદતો વિશે વાત કરી એક જેનાથી કિડનીને નુકસાન થવાનો ખતરો રહે છે.

ઓછું પાણી પીવું - શરીર માટે પાણી ખૂબ જ જરૂરી છે. પાણી કિડનીને ઝેરી પદાર્થોને દૂર કરવામાં મદદ કરે છે. ઓછું પાણી પીવાથી કિડની પર ભાર વધી જાય છે અને કિડનીમાં પથરી જેવી સમસ્યા થઈ શકે છે.

વધારે પડતું મીઠાનું સેવન - વધારે પડતા મીઠાના સેવનથી બ્લડ પ્રેશર વધે છે અને કિડની પર દબાણ આવે છે. પ્રોસેસ્ડ ફૂડ, જંક ફૂડ અને નમકીન નાસ્તામાં મીઠું વધુ માત્રામાં હોય છે. એટલા માટે આવી વસ્તુઓ સીમિત માત્રામાં જ ખાવી જોઈએ.

પ્રોટીનનું વધુ સેવન - વધુ માત્રામાં પ્રોટીનનું સેવન કરવાથી કિડનીએ વધારે કામ કરવું પડે છે. માંસ, ઇંડા અને ડેરી ઉત્પાદનોમાં પ્રોટીન વધુ હોય છે.

દારૂ પીવો - આલ્કોહોલ કિડનીને નુકસાન પહોંચાડે છે અને કિડની રોગનું જોખમ વધારે છે. આલ્કોહોલ લીવરને પણ નુકસાન પહોંચાડે છે, જે કિડનીના કામ કરવા માટે જરૂરી છે.

ધૂમ્રપાન - ધૂમ્રપાન કરવાથી બ્લડ પ્રેશર વધે છે અને રક્તવાહિનીઓ સાંકડી થઈ જાય છે. જેના કારણે કિડનીને નુકસાન થાય છે.

પેઇન કિલર દવાઓનો વધુ પડતો વપરાશ - પેઈન કિલર દવાઓ પણ વધુ માત્રામાં લેવાથી કિડનીને નુકસાન થઈ શકે છે.

ડાયાબિટીસ - ડાયાબિટીસ કંટ્રોલ ન થવાથી પણ કિડનીને નુકસાન થાય છે અને કિડનીના રોગનું જોખમ વધે છે. બ્લડ શુગર લેવલ વધવાને કારણે ધીમે-ધીમે કિડનીને નુકસાન થવા લાગે છે.

સ્થૂળતા - સ્થૂળતાને લીધે હાઈ બ્લડ પ્રેશર, ડાયાબિટીસ અને હૃદય રોગનું જોખમ વધે છે, જે કિડનીની બીમારીનું કારણ બની શકે છે.

આ પણ વાંચો: ડાયાબિટીસના દર્દીઓએ ભૂલથી પણ ન પીવા જોઇએ આ 3 ફ્રૂટ જ્યૂસ! નહીંતર લેવાના દેવા પડી જશે

કિડનીને સ્વસ્થ રાખવા શું કરવું?

• પુષ્કળ પાણી પીવો.
• મીઠાનું સેવન ઓછું કરો.
• પ્રોસેસ્ડ ફૂડ અને જંક ફૂડ ટાળો.
• ફળો અને શાકભાજી ખાઓ.
• નિયમિત રીતે એકસરસાઈઝ કરો.
• વજન નિયંત્રણમાં રાખો.
• ધૂમ્રપાન કરશો નહીં.
• દારૂનું સેવન ન કરો.
• જો કોઈ સમસ્યા લાગે તો ડૉક્ટર પાસે ચેકઅપ કરાવો.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ