હાર્ટ એટેકના કેસ સતત વધતા જઈ રહ્યા છે. મોટી સંખ્યામાં યુવા આ જીવલેણ કંડીશનનો શિકાર થઈને જીવ ગુમાવી રહ્યા છે. દુનિયાભરમાં હાર્ટ એટેક અને અન્ય હાર્ટ ડિઝિઝના કારણે લાખો લોકો પોતાનો જીવ ગુમાવી રહ્યા છે. હાર્ટ આપણા શરીરનું સૌથી જરૂરી અંગ હોય છે અને તેમાં કોઈ મુશ્કેલી આવે તો તે આખા સિસ્ટમને બગાડી શકે છે. એવામાં અમુક આદતોને બદલીને હાર્ટ હેલ્થને બૂસ્ટ કરી શકાય છે.
ઓયલી અને જંક ફડ્સ કરો અવોઈડ
આજકાલ મોટી સંખ્યામાં લોકો તળેલા અને પ્રોસેસ્ડ ફૂડ્સનું સેવન કરી રહ્યા છે. જેની ખરાબ અસર આપણા હાર્ટ પર પડી રહી છે. એક રિપોર્ટ અનુસાર તળેલું ભોજન કરવાથી આપણા લિવરમાં કોલેસ્ટ્રોલનું પ્રમાણ વધી જાય છે. આ કોલેસ્ટ્રોલ આપણા હાર્ટ માટે ઘણી મુશ્કેલીઓ લઈને આવી શકે છે.
પુરતી ઉંઘ ન લેવી
એક રિસર્ચ અનુસાર જે લોકો આખો દિવસ ફક્ત 6 કલાક સુવે છે તેમને પુરતી ઉંઘ લેનારની તુલનામાં હાર્ટ એટેકનો ખતરો વધારે હોય છે. ત્યાં જ જે લોકો દરરોજ 7થી 8 કલાકની સારી ઉંઘ લે છે તેમનામાં હાર્ટ એટેકની આશંકા ઓછી હોય છે. આજકાલ મોટાભાગના લોકો મોડી રાત સુધી જાગે છે અને પર્યાપ્ત ઉંઘ નથી લેતા. એવામાં દરરોજની 7થી 8 કલાકની ઉંઘ પુરી નથી થતી.
આખો દિવસ ફક્ત બેસી ન રહો
નોકરીયાત લોકો મોટાભાગે કલાકો સુધી ખુરશી પર એકજ જગ્યા પર બેસી રહે છે. જેના કારણે તેમના શરીર અકડાઈ જાય છે. જેના કારણે તેમના લોહીના ભ્રમણમાં અસર પડે છે અને તેમને હાર્ટ સાથે જોડાયેલી સમસ્યાઓ થાય છે.
સિગરેટ ન પીવો
સિગરેટ હાર્ટ માટે ઘાતક સાબિત થઈ શકે છે. એક સંશોધન અનુસાર સિગરેટ પીતી વ્યક્તિને હાર્ટની સમસ્યા વધારે થાય છે. જેથી તેમની હાર્ટ હેલ્થ પણ ઓછુ થઈ જાય છે. એવામાં જો તમે સિગરેટ પીવો છો તો તેને આજે જ છોડો.
વધુ વાંચો: ઊંઘતા પહેલા આ 5 મંત્રોનો કરજો જાપ, ચિંતાઓનો આવશે અંત, ચમત્કારી ઉર્જાનો થશે અહેસાસ
દાંતને હંમેશા રાખો સાફ
દાંતના સ્વાસ્થ્યનો તમારા હાર્ટના સ્વાસ્થ્ય સાથે સીધો સંબંધ છે. હકીકતે જે બેક્ટેરિયા તમારા દાંતોમાં પેદા થાય છે તેને બ્રશથી હટાવી શકાય છે. જો બેક્ટેરિયાને સમય રહેતા સાફ ન કરવામાં આવે તે તે મોંઢાના રસ્તે પોતાના બ્લડ સ્ટ્રીમમાં ઘુસી સકે છે. તેના બાદ આ બેક્ટેરિયા સીધા તમારા હાર્ટને નુકસાન કરી શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
