આસ્થા / ઘરમાં જોઇએ છે સુખ-શાંતિ અને સમૃદ્ધિ? તો આજે અમાસના દિવસે આ 5 વસ્તુઓનું કરો દાન

• પિતૃઓ માટે સફેદ કપડાનું દાન કરવું જોઈએ
• પિતૃઓને પાન અથવા સોપારી અર્પણ કરો
• આ દિવસે કોઈ પણ વાસણનું દાન કરો

આજ 11 જાન્યુઆરીનાં રોજ માગશર અમાસ છે. સ્નાન કર્યા પછી સૂર્યદેવને જળ અર્પણ કરો. ત્યારબાદ તમારા પિતૃઓને રાજી કરવા માટે જળ, કાળા તલ અને સફેદ ફૂલ તર્પણ કરો. તર્પણ કરતી વખતે કુશનો પવિત્ર દોરો તમારી આંગળી પર ધારણ કરો. ધાર્મિક માન્યતાઓ અનુસાર તર્પણ સમયે કુશમાંથી જળ અર્પણ કરો. તેનાથી તે જળ પિતૃઓને પ્રાપ્ત થાય છે અને તેઓ તૃપ્ત થઈને આશીર્વાદ આપે છે. જ્યોતિષ માન્યતાઓ મુજબ માગશર અમાસનાં દિવસે આ 5 વસ્તુઓનું દાન કરવું જોઈએ. જેનાથી ક્રોધિત પિતૃઓ ખુશ થઈ જશે. 

સફેદ મીઠાઇ 
માગશર અમાસનાં દિવસે દૂધથી બનેલી મીઠાઈનું દાન કરવું. તમે ઘરે ખીર બનાવીને પિતૃઓનાં નિમિતમાં દાન કરી શકો. 

પાન અને સોપારી
માગશર અમાસનાં દિવસે તમારા પિતૃઓને પાન અથવા સોપારી અર્પણ કરો. પાનને શુભ માનવામાં આવે છે. 

સફેદ વસ્ત્ર 
અમાસનાં દિવસે પિતૃઓ માટે સફેદ કપડાનું દાન કરવું જોઈએ. સફેદ રંગની ધોતી, બનિયાન અને ટુવાલનો તેમાં સમાવેશ કરવો જોઈએ. પૂર્વજોને સફેદ રંગ પસંદ છે.

વાંચવા જેવું: તમારા જીવનમાં આ 5 ઘટના બની હોય તો માની લેજો કે સૂર્ય થઈ ગયો છે કમજોર, ઉત્તરાયણે કરી લેજો આસાન ઉપાય

 કેળા
ક્રોધિત પિતૃઓને શાંત કરવા માટે અમાસનાં દિવસે કેળાનું દાન કરવું જોઈએ. કેળા ભગવાન વિષ્ણુને પ્રિય છે. કેળાનાં છોડમાં ભગવાન વિષ્ણુનો વાસ હોય છે. તેમની કૃપાથી મોક્ષની પ્રાપ્તિ થાય છે. 

વાસણ 
પિતૃઓનો આશીર્વાદ મેળવવા માટે આ દિવસે કોઈ પણ વાસણનું દાન કરો. વાસણમાં વાટકી, થાળી અને લોટો વગેરે વસ્તુ આપી શકો છો.