તમે ક્યારેય વિચાર્યુ છે કે, તમે ઈન્સ્ટાગ્રામ પર સ્ક્રોલિંગ કરી રહ્યા હોવ છો ત્યારે તમારી ફીડમાં તમને ગમતી પોસ્ટો જ કેમ આવે છે? આની પાછળ એક જ વસ્તુ કામ કરે છે અને તે છે એલ્ગોરિધમ. હવે ઈન્સ્ટાગ્રામ તેના એલ્ગોરિધમ સિસ્ટમમાં બદલાવ કર્યો છે. તેના આ બદલાવથી ઓરિજનલ કન્ટેન્ટ ક્રિએટરને વધુ ફાયદો થશે.
આ અંગે ઈન્સ્ટાગ્રામે એક બ્લોગ પોસ્ટમાં માહિતી આપી છે. જેમાં તેને એ પણ જણાવ્યુ છે કે, આ પરિવર્તનથી નાના કન્ટેન્ટ ક્રિએટરને ફાયદો થશે. આવો જાણીયે ઈન્સ્ટાગ્રામના તે પરિવર્તન વિશે
ડુપ્લિકેટ કન્ટેન્ટ
ઈન્સ્ટાગ્રામ એવા એકાઉન્ટ રિકમેન્ડ નહીં કરે જેના પર વારંવાર બીજાની પોસ્ટ શેર કરાય છે. જો હવેથી 30 દિવસમાં બીજા દ્વારા બનાવેલો કન્ટેન્ટ 10થી વધુ વખત શેર કરવામાં આવશે તો તેને રિકમેન્ડ નહીં કરવામાં આવે. ડુપ્લિકેટ કન્ટેન્ટ શેર કર્યાના 30 દિવસ બાદ પહેલાથી રિકમેન્ડેશન પ્રોસેસ થશે.
રીપોસ્ટ કન્ટેન્ટ
જે લોકો બીજાની પોસ્ટો રીપોસ્ટ કરે છે તેમની રીચ પણ ઘટાડી દેવામાં આવશે. જેની પોસ્ટ શેર કરાઈ છે તે ઓરિજનલ એકાઉન્ટને જ રિકમેન્ડ કરાશે.જ્યાં સુધી નવો કન્ટેન્ટ નહીં પોસ્ટ થાય ત્યાં સુધી રિકમેન્ડેશનમાં બદલાવ નહીં કરાય.
ઓરિજનલ ક્રિએટરનું લેબલ
ઈન્સ્ટાગ્રામ હવે ઓરિજનલ કન્ટેન્ટ ક્રિએટરને લેબલ આપવાનું વિચારી રહ્યુ છે. જે એકાઉન્ટ પર ઓરિજનલ કન્ટેન્ટ શેર થયો હશે તેને લેબલ મળશે. આ કન્ટેન્ટ શેર કરવા પર પણ તે લેબલ દેખાશે. જેથી ઓરીજનલ ક્રિએટરની ઓળખ થઈ શકશે.
સેલિબ્રિટી ફેન પેઝ પર તવાઈ
કેટલાક લોકો લાઈક અને વ્યૂ મેળવવા માટે ઓર્ગેનાઈઝેશનના ફોટો શેર કરે છે. પરંતુ હવે આવા એકાઉન્ટ પર તવાઈ આવશે. તેઓ અલગ અલગ સોર્સથી ફોટા ભેગા કરી શેર કરે છે. તેઓને બે વખત ચેતવણી અપાશે. પછી તેમને રિકમેન્ડેશન ફીડમાંથી હટાવી દેવાશે.
નાના ક્રિએટરને મળશે મોકો
જેમના ફોલોઅર્સ ઓછા છે તેમને આગળ આવવાનો મોકો અપાશે. પહેલા એ જોવામાં આવતુ કે એકાઉન્ટના ફોલોઅર્સ કેવા છે તે આધારે રિકમેન્ડેશન થતુ પરંતુ હવે નાના ક્રિએટરની પોસ્ટો પણ રિકમેન્ડેશન ફીડમાં દેખાશે. જેનો નાના કન્ટેન્ટ ક્રિએટરને ફાયદો થશે.
