- ગુજરાતી પરિવારનો વીડિયો થયો વાયરલ
- પુત્રવધુએ સાસુનું કર્યું અનોખું સ્વાગત
- સ્વાગત જોઇ સાસુની આંખમાં આવી ગયા આંસુ
તુંટતી જતી સામાજિક પરંપરા અને વૃદ્ધાશ્રમમાં વધતી જતી વૃદ્ધોની સંખ્યા વચ્ચે ગુજરાતી પરિવારે દેવીની જેમ 'માં'નું ઘરમાં સ્વાગત કર્યું હોવાનો વિડીયો વાયરલ થયો છે. આ વિડીયો સોશિયલ મીડિયામાં ધુમ મચાવી રહ્યો છે. જેને પગલે લોકો આ ગુજરાતી પરિવારની ખાનદાનીને મુક્ત મને વખાણી રહ્યા છે. આ વિડીયોને સામાજિક, રાજકિય અગ્રણીઓ આઇએએસ, આઈપીએસ અધિકારીઓ પણ શેર કરી રહ્યા છે.
સ્વાગત જોઇ સાસુની આંખમાં આવી ગયા આંસુ
સ્વાર્થના આ સંસારમાં આજે પણ અનેક પરિવારોમાં માતા-પિતાને દેવી-દેવતા સમાન માની તેમનું માન, મર્યાદા જાળવવામાં આવે છે. જેના બોલતા પુરાવા સમાન એક વિડીયો સોશિયલ મીડિયામાં ધુમ મચાવી રહ્યો છે. આ હૃદય સ્પર્શી વીડિયોમાં 'મા' થી મોટું કોઇ નથી તેવો ભાવ દર્શાવવામાં આવે છે. એક વૃદ્ધ મહિલા નવા ઘરમાં પ્રવેસ કરે છે ત્યારે ઘરમાં હાજર મહિલ દ્વારા તેમનું પરંપરાગત વિધિ સાથે અદકેરું સન્માન કરવામાં આવતું હોવાનું દ્રશ્યમાન થાય છે. જેમાં જણાતી વિગત મુજબ ઘરમાં પ્રવેસ કરનાર વૃદ્ધા આ મહિલાની સાસુ થાય છે. જ્યાં આજુબાજુના લોકો દ્વારા પણ વૃદ્ધ મહિલાનું સ્વાગત કરવામાં આવે છે. આ અનોખા સ્વાગતને લઈને સાસુની આંખમાં આસું આવી ગયા હતા. સંયુક્ત પરિવારની અનોખી સમજણ લોકો માટે અનુકરણીય સાબિત થઇ છે.
દરેક પુત્ર-પુત્રવધુ આ રીતે વર્તે તો વૃદ્ધાશ્રમને લાગી જાય તાળાં
મહત્વનું છે કે આજના સમયમાં અનેક વૃદ્ધાશ્રમોમાં વૃદ્ધોની સંખ્યા વધી રહી છે અને લાંબા વેઇટિંગ ચાલી રહ્યા છે. અંદાજ મુજબ મોટા ભાગના ગૃહ કંકાશમાં સાસુ-વહુના ઝઘડા જવાબદાર હોય છે ત્યારે દરેક પુત્ર-પુત્રવધુ આ રીતે વર્તે વૃદ્ધાશ્રમોને અલીગઢી તાળાં લાગી જાય તેમ લોકોમાં ચર્ચાઇ રહ્યું છે. સારું- વહુ વચ્ચેના આ અદભૂત પ્રેમને લોકો બિરદાવી રહ્યા છે. તો બીજી બાજુ આઈએએસ અધિકારી અવનિશ શરણે પણ આ વિડીયોનું ટ્વિટ કરીને કમેંટ કરી હતી કે,પુત્ર માટે આનાથી મોટી કોઇ ખુશી નથી અને માતા માટે આથી મોટી ગર્વની કોઇ ક્ષણ ન હોય શકે.
