ગાંધીનગર / CMનો સંવેદનાત્મક નિર્ણય: હવેથી VCEને કામગીરી માટે ચૂકવાશે ન્યુનતમ આટલા રૂપિયા

Gujarat VCE : રાજ્યના ગ્રામ્ય વિસ્તારોમાં કામ કરતાં ગ્રામ કોમ્પ્યુટર સાહસિકો (VCE) માટે એક મોટા સમાચાર સામે આવ્યા છે. વાસ્તવમાં મુખ્યમંત્રી ભૂપેન્દ્ર પટેલના માર્ગદર્શન હેઠળ હવે રાજ્યના વિવિધ વિભાગો દ્વારા આપવામાં આવતી વધારાની કામગીરી પર ગ્રામ કોમ્પ્યુટર સાહસિકો (VCE)ને ઓછામાં ઓછું પ્રતિ યુનિટ ₹20 મહેનતાણું ચૂકવવું ફરજિયાત બન્યું છે. આ નિર્ણયનો અમલ તાત્કાલિક અસરથી શરૂ કરવામાં આવ્યો છે.

E-ગ્રામ વિશ્વગ્રામ સોસાયટીની 12મી ગવર્નિંગ બોડીની બેઠકમાં મુખ્યમંત્રીએ જુદી જુદી સેવાઓ બદલ મળતા અલગ અલગ કમિશનના કારણે સર્જાતા અસમાનતાને ધ્યાનમાં લઈને તરત જ સમન્વિત અને ન્યાયસંગત ચુકવણીના દિશાનિર્દેશ આપ્યા હતા.

આ પણ વાંચો : રાજકોટમાં પોતાની જ સર્વિસ રિવોલ્વરથી ગોળી મારી SRP જવાને જીવન ટૂંકાવ્યું, એ પણ કમિશનર કચેરીમાં

આ તરફ આ આદેશ બાદ હવે પંચાયત વિભાગે પરિપત્ર જાહેર કરીને તમામ વિભાગોને ગ્રામ કોમ્પ્યુટર સાહસિકો (VCE)ને ન્યૂનતમ ₹20 ચૂકવવાની ફરજ પાડી છે. આગળથી કોઈપણ કામગીરી સોંપતાં પહેલાં સંબંધિત વિભાગે પંચાયત વિભાગ તથા ઈ-ગ્રામ વિશ્વગ્રામ સોસાયટીને જાણ કરવી રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ