સુરેન્દ્રનગર / ચોટીલા બાનમાં લીધું! ઘાંચીવાડમાં 5 થી 6 લોકોએ લાકડીઓ ફેરવી, મકાનના દરવાજા તોડી સાધનમાં તોડફોડ

સુરેન્દ્રનગર જિલ્લાના ચોટીલામાં એક ચોંકાવનારી ઘટના સામે આવી છે. શહેરના ઘાચીવાડ વિસ્તારમાં આવેલ એક રહેણાંક મકાન પર 5 થી 6 લોકોના ટોળાએ અચાનક હુમલો કર્યો હતો. આ હુમલાનો વીડિયો સોશિયલ મીડિયા પર વાયરલ થતા ઘટના ચારેકોર ચર્ચાનો વિષય બની છે.

માહિતી મુજબ, હુમલાખોરોએ મકાનના દરવાજા તોડી નાખ્યા અને બહાર ઉભેલી બાઇકોમાં તોડફોડ કરી હતી. અચાનક થયેલા આ હુમલાથી ઘરમા રહેલી મહિલાઓ અને બાળકો ભારે ભયભીત થઈ ગયા હતા. તેઓ ડરીને ઘરના રૂમમાં પોતાને પુરાઈ ગયા હતા જેથી બહાર ન આવી શકે. આ ઘટના દરમિયાન ચીસા અને હાહાકાર મચી ગયો હતો.

વીડિયો વાયરલ થયા બાદ ચિંતા

વિડિયો વાયરલ થયા બાદ લોકોમાં પણ આ ઘટનાને લઈને ચિંતા ફેલાઈ છે. કારણ કે રહેણાંક વિસ્તારમાં આવા હુમલા થતા લોકોની સુરક્ષા ઉપર પ્રશ્નો ઊભા થઈ રહ્યા છે. જાણવા જેવી વાત એ છે કે, આ જ શખ્સોએ થોડા સમય પહેલા મકાનના માલિક પર મુંબઈમાં પણ હુમલો કર્યો હતો. એટલે કે હુમલાખોરો અગાઉથી જ આ પરિવારને ટારગેટ કરી રહ્યા હોવાની શક્યતા સામે આવી છે.

પોલીસ ઘટનાસ્થળે પહોંચી

ઘટનાની જાણ થતાં જ ચોટીલા પોલીસે તાત્કાલિક ઘટનાસ્થળે પહોંચી તપાસ હાથ ધરી છે. પોલીસે મકાન માલિક તેમજ પરિવારજનોના નિવેદનો લીધા છે અને હુમલાખોરોની ઓળખ કરવા માટે વીડિયો ફૂટેજ તથા સ્થાનિક સ્તરે તપાસ શરૂ કરી છે.

આ પણ વાંચો : VIDEO: ગુજરાતનો વિકાસ વિદેશીઓની આંખે ચોંટયો! ઈન્ટરનેશનલ એરપોર્ટમાં શ્વાન ફરમાવી રહ્યા છે આરામ

હાલમાં પોલીસ તપાસ હેઠળ છે અને હુમલાખોરોને ઝડપવા માટે ચક્રો ગતિમાન કરવામાં આવ્યા છે. આ ઘટનાએ સમગ્ર વિસ્તારમાં સુરક્ષાને લઈને પ્રશ્નો ઊભા કર્યા છે. લોકોમાં ભયનું વાતાવરણ છવાઈ ગયું છે અને તેઓ ઝડપથી આરોપીઓને પકડી કડક કાર્યવાહી થાય તેવી માંગ કરી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ