બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અન્ય જિલ્લા / આગામી 3 કલાક માટે ભારે વરસાદનું નાઉકાસ્ટ એલર્ટ, અનેક જિલ્લાઓમાં અતિભારે વરસાદની આગાહી
6 ફોટો ગેલેરી
Last Updated: 08:15 AM, 8 July 2026
FOLLOW ON
શેર કરો
1/6
હવામાન વિભાગે ગુજરાત માટે આગામી 3 કલાકનું નાઉકાસ્ટ જાહેર કર્યું છે. આ આગાહી મુજબ રાજ્યના અનેક જિલ્લાઓમાં ભારે તેમજ ભારેથી અતિભારે વરસાદ પડી શકે છે. ખાસ કરીને મધ્ય અને દક્ષિણ ગુજરાતના વિસ્તારો માટે ખાસ એલર્ટ આપવામાં આવ્યું છે. લોકોને જરૂરી હોય ત્યારે જ બહાર નીકળવા અને સાવચેતી રાખવાની અપીલ કરવામાં આવી છે.
આ તસવીર શેર કરો
2/6
નાઉકાસ્ટ મુજબ વડોદરા, ભરૂચ, નર્મદા, સુરત, તાપી, ડાંગ, નવસારી, અમરેલી, ગીર સોમનાથ, ભાવનગર અને બોટાદ જિલ્લામાં ભારેથી અતિભારે વરસાદ પડવાની શક્યતા છે. આ જિલ્લાઓમાં ગાજવીજ અને તેજ પવન સાથે વરસાદ વરસી શકે છે. નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે હોવાથી સ્થાનિક વહીવટી તંત્રને પણ સતર્ક રહેવા સૂચના આપવામાં આવી છે.
આ તસવીર શેર કરો
3/6
આ ઉપરાંત અમદાવાદ, આણંદ, પંચમહાલ, દાહોદ, છોટાઉદેપુર, રાજકોટ અને સુરેન્દ્રનગર જિલ્લામાં ભારે વરસાદની શક્યતા વ્યક્ત કરવામાં આવી છે. જ્યારે ગાંધીનગર, સાબરકાંઠા અને બનાસકાંઠા જિલ્લામાં સામાન્ય વરસાદની આગાહી કરવામાં આવી છે. હવામાન વિભાગના જણાવ્યા મુજબ આગામી કલાકોમાં હવામાનમાં ઝડપથી ફેરફાર થઈ શકે છે.
આ તસવીર શેર કરો
4/6
હવામાન વિભાગે આજે સમગ્ર ગુજરાત માટે પણ વરસાદની આગાહી કરી છે. રાજ્યના તમામ જિલ્લાઓમાં ગાજવીજ સાથે હળવાથી મધ્યમ વરસાદ પડી શકે છે. ઉત્તર ગુજરાતમાં બનાસકાંઠા, વાવ-થરાદ, પાટણ, મહેસાણા, સાબરકાંઠા, ગાંધીનગર અને અરવલ્લી જિલ્લામાં વરસાદની શક્યતા છે. મધ્ય ગુજરાતમાં ખેડા, અમદાવાદ, આણંદ, પંચમહાલ, દાહોદ, મહીસાગર, વડોદરા, છોટાઉદેપુર, નર્મદા અને ભરૂચ જિલ્લામાં પણ વરસાદની આગાહી કરવામાં આવી છે.
આ તસવીર શેર કરો
5/6
દક્ષિણ ગુજરાતમાં સુરત, ડાંગ, તાપી અને વલસાડ જિલ્લામાં વરસાદી માહોલ યથાવત રહેવાની શક્યતા છે. જ્યારે સૌરાષ્ટ્ર વિસ્તારમાં સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, ગીર સોમનાથ, બોટાદ, દેવભૂમિ દ્વારકા, મોરબી અને કચ્છ જિલ્લામાં પણ ગાજવીજ સાથે હળવાથી મધ્યમ વરસાદ પડી શકે છે. રાજ્યના મોટાભાગના વિસ્તારોમાં દિવસ દરમિયાન વાદળછાયું વાતાવરણ રહેવાની શક્યતા છે.
આ તસવીર શેર કરો
6/6
હવામાન વિભાગે વરસાદને ધ્યાનમાં રાખીને લોકોને સાવચેત રહેવાની સલાહ આપી છે. ભારે વરસાદ દરમિયાન નીચાણવાળા વિસ્તારોમાં જવાનું ટાળવું, વીજળીના કડાકા-ભડાકા સમયે ખુલ્લી જગ્યાએ ઉભા ન રહેવું અને જરૂરી સાવચેતી રાખવી જરૂરી છે. આગામી કલાકોમાં વરસાદનું જોર વધી શકે હોવાથી સ્થાનિક તંત્ર દ્વારા જાહેર કરવામાં આવતી સૂચનાઓનું પાલન કરવા પણ અપીલ કરવામાં આવી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
