આક્રોશ / ગુજરાતમાં 'હું નાથુરામ ગોડસે' નાટકનો ઠેર ઠેર વિરોધ, રાજકોટ પછી જામનગર અને વડોદરામાં વિરોધ

Ahmedabad News: ગુજરાતમાં 'હું નથુરામ ગોડસે' નાટકનો ઠેર ઠેર વિરોધ થઇ રહ્યો છે. નાથુરામ ગોડસેના નાટક સામે કોંગ્રેસ લડી લેવાના મૂડમાં છે. રાજકોટ પછી જામનગર અને વડોદરામાં પણ વિરોધ શરૂ થયો છે.

અમદાવાદમાં નાથુરામ ગોડસેનું નાટક રજૂ થાય એ પહેલાં કોંગ્રેસે વિરોધ દર્શાવ્યો છે. NSUIના કાર્યકરોએ 'નાથુરામ મુર્દાબાદ'નું લખાણ લખી વિરોધ નોધાવ્યો હતો.

રાજકોટમાં પણ આ અગાઉ હું નથુરામ નાટક યોજવાનું હતુ પરંતુ નાટક શરૂ થાય તે પહેલા શનિવારે રાત્રે કોંગ્રેસે ઉગ્ર વિરોધ પ્રદર્શન કર્યુ હતું. અમદાવાદમાં NSUIના કાર્યકરે 'ગોડસે મુર્દાબાદ'ના નારા લખ્યી વિરોધ પ્રદર્શન કર્યુ છે. દીનદયાળ ઉપાધ્યાય ઓડિટોરિયમ પર NSUIએ વિરોધ નોધાવ્યો હતો.

અમદાવાદ સિંધુભવન પર અમદાવાદ મ્યુનિસિપલ કોર્પોરેશનના પંડિત દિનદયાળ ઉપાધ્યાય ઓડિટોરિયમમાં આજે યોજાનાર નાટકમાં પણ કોંગ્રેસ દ્વારા વિરોધ કરવામાં આવી શકે છે.

આ પણ વાંચોઃએજન્ટ પાસેથી આરોપીઓ બાળકોને 5 લાખમાં ખરીદતા, ને 15 લાખમાં વેચતા

અમદાવાદમાં એક દિવસ અગાઉ એટલે કે ગઇ કાલે 'હું નાથુરામ ગોડશે' નાટકનો વિરોધ કરાયો હતો. 8 ફેબ્રુઆરીએ NSUI અને યુથ કોંગ્રેસ દ્વારા અમદાવાદમાં અલગ અલગ જગ્યાએ ગોડસે વિરુદ્ધ સૂત્રોચાર દિવાલ ઉપર લખ્યા હતા. NSUIએ કહ્યુ હતુ કે, ગાંધીની ભૂમિ ઉપર ગોડસેનું નાટક ચલાવી લેવામાં આવશે નહીં. અમે આ નાટક યોજવા જ નહીં દઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ