રાજકારણ / 'શિર્ષ નેતૃત્વનો નિર્ણય…', મંત્રીમંડળ વિસ્તરણની અટકળો વચ્ચે કનુ દેસાઇનું મોટું નિવેદન

Gujarat News: છેલ્લા કેટલાય દિવસોથી ગુજરાતના મંત્રીમંડળમાં ફેરફાર થવાના સમાચાર પ્રકાશિત થઈ રહ્યા છે, સૂત્રો પાસેથી અહેવાલો મળી રહ્યા છે કે દિવાળી પહેલા જ રાજકીય ફટાકડા ફુટી શકે છે અને નવા મંત્રીઓ ધનતેરસ સુધીમાં શપથ લઈ શકે છે, જો કે આ વચ્ચે નાણામંત્રીએ એક મોટું નિવેદન આપ્યું છે.

મંત્રીમંડળનું વિસ્તરણ ધનતરસે થઈ શકે

આ પહેલા ભાજપ પ્રદેશ પ્રમુખની શપથવિધિ સમયે જ નવા મંત્રીઓની શપથ વિધિ યોજાશે તેવા અહેવાલો આવ્યા હતા, જો કે ત્યારે મંત્રીમંડળનું વિસ્તરણ થઈ શક્યું ન હતું. આ પછી હવે આજે (15 ઓક્ટોબર 2025)એ ધનતેરસ પહેલા નવા મંત્રીમંડળનું વિસ્તરણ થઈ શકે છે તેવી માહિતી આવી છે. \

ભાજપ ફરી Dycmની ફોર્મ્યુલા અપનાવી શકે

મંત્રીમંડળનું વિસ્તરણ શનિવારે સવારે થાય તેવી સંભાવના છે. ભાજપ ફરી નાયબ મુખ્યમંત્રીની ફોર્મ્યુલા અપનાવી શકે છે. નાયબ મુખ્યમંત્રી તરીકે નામ ફાઈનલ થયું હોવાની ચર્ચા. આવતીકાલે રાજ્યપાલ આચાર્ય દેવવ્રત ગુજરાત પરત ફરશે.

વધુ વાંચો : તો આજે નહીં, આ દિવસે થશે ગુજરાતના નવા મંત્રીમંડળનું વિસ્તરણ? વાંચો સૌથી મોટી અપડેટ

મંત્રીમંડળના વિસ્તરણ પણ કનુ દેસાઈએ શું કહ્યું?

મંત્રીમંડળ વિસ્તરણની અટકળો વચ્ચે નાણામંત્રી કનુ દેસાઇની પ્રતિક્રિયા પણ આવી છે, જેમાં તેમણે શિર્ષ નેતૃત્વ મંત્રીમંડળ વિસ્તરણ કરવાનું નક્કી કરતા હોવાનું કહ્યું છે. તેમજ શિર્ષ નેતૃત્વનો નિર્ણય સર્વોપરી અને ગુજરાતના વિકાસ માટે જરૂરી નિર્ણય લેવાશે તેમ જણાવ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ