ચેલેન્જ પોલિટિક્સ / સચિવાલયથી રવાના થયા કાંતિ અમૃતિયા, રાજીનામાં પર આવ્યું શંકર ચૌધરીનું નિવેદન

કાંતિ અમૃતિયા ગાંધીનગર ખાતે પહોંચ્યા બાદ હાઈવોલ્ટેજ ડ્રામાં ચાલ્યો હતો. મોરબીના ધારાસભ્ય કાંતિ અમૃતિયા સચિવાલય પહોંચીને ગોપાલિયા ઈટાલિયાની રાહ જોઈ હતી.. તેમણે ગોપાલ ઈટાલિયાને રાજીનામું આપવાની ચેલેન્જ આપી હતી. જો કે હવે તેઓ રાજીનામું આપ્યા વગર જ ગાંધીનગરથી પરત ફર્યા હતા. કાંતિ અમૃતિયાના રાજીનામાં પર વિધાનસભાના અધ્યક્ષ શંકર ચૌધરીએ પ્રતિક્રિયા આપીને સલાહ આપી હતી.

રાજીનામાને લઈને શંકર ચૌધરીએ શું કહ્યું?

ઉલ્લેખનીય છે કે, આ ચેલેન્જ પોલિટિક્સથી ગુજરાતનું રાજકારણ ગરમાયું છે. આ ચેલેન્જ પોલિટિક્સને લઈને વિધાનસભા અધ્યક્ષે નિવેદન આપ્યું હતું. જેમાં તેમણે કહ્યું હતું કે, 'કાંતિ અમૃતિયા અને ગોપાલ ઈટાલિયાએ કર્યો રાજકીય સ્ટંટ કર્યો હતો અને બન્નેમાંથી કોઈપણે વિધાનસભા અધ્યક્ષનો સંપર્ક કર્યો ન હતો. મારી પાસે આવો કોઈ વિષય આવ્યો નથી. બંને ધારાસભ્યોએ લોકોના કામ કરવા જોઈએ.'

ભાજપને લઈને શું બોલ્યા હતા કાંતિ અમૃતિયા?

ગાંધીનગર સચિવાલ ખાતે કાંતિ અમૃતિયા પોતાના સમર્થક સાથે હાજર રહીને ગોપાલ ઈટાલિયાની રાહ જોઈ હતી. આ દરમિયાન પત્રકાર સાથે પણ તેમણે વાત કરી હતી. જેમાં કાંતિ અમૃતિયાએ ભાજપને લઈને મોટું નિવેદન આપતાં કહ્યું હતું કે, 'મારા શબ્દ એક જ છે. આ મારી વ્યક્તિગત લડાઈ છે. અને આમાં પાર્ટીની વાત નથી.'

શું બોલ્યા ઋષિકેશ પટેલ

ચેલેન્જ પોલિટિક્સને લઈને આરોગ્ય મંત્રી ઋષિકેશ પટેલનું પણ નિવેદન સામે આવ્યું છે. જેમાં તેમણે પત્રકારો સાથે વાત કરતા જણાવ્યું છે કે, રાજનીતિ નથી એ વિકાસની રાજનીતિ છે. ગુજરાતમાં ફક્ત વિકાસની રાજનીતિ ચાલી રહી છે. કાંતિ અમૃતિયાના રાજીનામાં પર ઋષિકેશ પટેલે મૌન સેવ્યું હતું.

અગાઉ ભાજપના મીડિયા કન્વીરને કર્યો હતો ખુલાસો

ભાજપ અને આપ બન્ને ધારાસભ્યોએ એકબીજાને ચેલેન્જ આપીને રાજકીય વાતાવરણ ગરમ કરી દીધું છે. આ સંજોગોમાં ભાજપ પક્ષનું વલણ શું છે તે પણ મહત્વનું બની રહે છે. કાંતિ અમૃતિયા ભાજપના ધારાસભ્ય છે. આ ચેલેન્જને લઇને ભાજપના પ્રવક્તા યજ્ઞેશ દવેએ કહ્યું કે, 'ભાજપ પક્ષ દ્વારા કોઇ સત્તાવાર નિવેદન આપવામાં આવ્યુ નથી, પક્ષ દ્વારા ધારાસભ્ય રાજીનામુ આપશે તેવી પણ જાહેરાત કરવામાં આવી નથી પરંતુ આ બન્ને ધારાસભ્યોની આંતરીક લડાઇ છે. આંતરીક લડાઇમાં શુ પરીણામ આવશે અને શુ કરવુ તે બન્ને ઘારાસભ્યો જ નક્કી કરશે જેમાં પક્ષ કોઇ પ્રકારનુ સ્ટેન્ડ નહી લે.'

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ