જાણવું જરૂરી / ધર્મ-જાતિના નામે નહીં માંગી શકાય વોટ, રેલી માટે પોલીસ પરમીશન જરૂરી: ગુજરાતમાં આચાર-સંહિતા લાગુ, જાણો નિયમો

• વિધાનસભા ચૂંટણીની તારીખ જાહેર
• આખા રાજ્યમાં આચાર સંહિતા લાગુ
• જાણો, શું કહે છે આચાર સંહિતાના નિયમ?

રાજ્યમાં આચાર સંહિતા લાગુ

ગુજરાત વિધાનસભા ચૂંટણીની તારીખ જાહેર થઇ ગઇ છે. જેની જાહેરાત સાથે રાજ્યમાં આચાર સંહિતા લાગુ થઇ ગઇ છે. મુખ્ય ચૂંટણી કમિશ્નર રાજીવ કુમારે જણાવ્યું કે રાજ્યમાં બે તબક્કામાં ચૂંટણી થશે. પહેલા તબક્કાનુ મતદાન 1 ડિસેમ્બર અને બીજા તબક્કાનુ મતદાન 5 ડિસેમ્બરે થશે. વિધાનસભા ચૂંટણીના પરિણામ 8 ડિસેમ્બરે આવશે. 

મૉડલ કોડ ઑફ કન્ડક્ટ (એમસીસી) રાજકીય પાર્ટીઓને નીતિગત નિર્ણયોની જાહેરાત કરતા રોકે છે. ભારતના ચૂંટણી પંચ ચૂંટણી કાર્યક્રમની જાહેરાત કરતા જ આદર્શ આચાર સંહિતા લાગુ થાય છે. આવો જાણીએ આચાર સંહિતાના નિયમ શું કહે છે.

આચાર સંહિતાના નિયમ શું છે? 

1. ચૂંટણી આચાર સંહિતા લાગુ થયા બાદ ઘણા નિયમ પણ લાગુ થાય છે. જેની અવગણના કોઈ પણ રાજકીય પક્ષ અથવા રાજનેતા કરી શકતા નથી. 
2. આ દરમ્યાન જાહેર નાણાનો ઉપયોગ કોઈ વિશેષ રાજકીય પાર્ટી અથવા નેતાને ફાયદો પહોંચાડવા માટે નહીં થાય.
3. સરકારી ગાડી, સરકારી વિમાન અથવા સરકારી બંગલાનો ઉપયોગ ચૂંટણી પ્રચાર માટે કરવામાં આવશે નહીં.
4. કોઈ પણ પ્રકારની સરકારી જાહેરાત, લોકાર્પણ અને શિલાન્યાસ વગેરે નહીં થાય.
5. કોઈ પણ રાજકીય પક્ષ, ઉમેદવાર, નેતા અથવા સમર્થકોએ રેલી કરતા પહેલા પોલીસ પાસે પરવાનગી લેવી પડશે.
6. કોઈ પણ ચૂંટણી રેલીમાં ધર્મ અથવા જાતિના નામે મત માંગવામાં નહીં આવે.