હેલ્થ / કોલેસ્ટ્રોલના દર્દીએ આ 3 ફૂડ્સને અચૂકથી ટાળવા, ભૂલથી પણ ખાધા તો હાર્ટ એટેકનું ટેન્શન નિશ્ચિત!

• હાઈ કોલેસ્ટ્રોલના દર્દીઓએ લાલ માંસનું સેવન બિલકુલ ન કરવું જોઈએ
• તળેલા ખોરાકનું સેવન કરવાથી પણ કોલેસ્ટ્રોલનું પ્રમાણ ઝડપથી વધે છે
• ખાંડયુક્ત પીણાં, સોડા અને ઘણી બધી મીઠાઈઓનું સેવન ન કરવું જોઈએ

શરીરને સ્વસ્થ રાખવા માટે સારી ખાવાની ટેવ ખૂબ જ જરૂરી છે. તમને ખોરાક અને પીણાંમાંથી આવશ્યક પોષક તત્વો મળે છે. જે શરીરની સારી કામગીરી જાળવી રાખે છે. તમારો ખોરાક તમારા સ્વાસ્થ્યને ખૂબ અસર કરે છે અને ખાવાની ખોટી આદતો અનેક નુકસાનકારક રોગોનું જોખમ વધારે છે. આજના સમયમાં હાઈ કોલેસ્ટ્રોલની સમસ્યા ઝડપથી વધી રહી છે અને તેનું એક મોટું કારણ બિનઆરોગ્યપ્રદ ખોરાકનું સેવન છે. સેચ્યુરેટેડ ચરબી, વધુ પડતું મીઠું અને વધુ ખાંડ જેવી ઘણી વસ્તુઓનું સેવન કરવાથી લોહીની ધમનીઓમાં કોલેસ્ટ્રોલ જમા થાય છે. ક્યારેક તે મૃત્યુનું કારણ પણ બની જાય છે. કોલેસ્ટ્રોલના દર્દીઓએ ચોક્કસ ખોરાકને સંપૂર્ણપણે ટાળવો જોઈએ. જેથી કોલેસ્ટ્રોલનું સ્તર વધતું અટકાવી શકાય.

હાઈ કોલેસ્ટ્રોલના દર્દીઓએ લાલ માંસનું સેવન બિલકુલ ન કરવું જોઈએ
એક ખાનગી અહેવાલ મુજબ, હાઈ કોલેસ્ટ્રોલના દર્દીઓએ લાલ માંસનું સેવન બિલકુલ ન કરવું જોઈએ. આ ખાવાથી કોલેસ્ટ્રોલ ખૂબ ગતિથી વધી શકે છે અને લોહીની ધમનીઓ બ્લોક થઈ શકે છે. લાલ માંસમાં સેચ્યુરેટેડ ચરબીનું પ્રમાણ વધુ હોય છે. જે ખરાબ કોલેસ્ટ્રોલનું સ્તર વધારી શકે છે. લાલ માંસ યુરિક એસિડ માટે પણ નુકસાનકારક માનવામાં આવે છે. જો તમે કોલેસ્ટ્રોલ અથવા યુરિક એસિડના દર્દી છો, તો તરત જ લાલ માંસથી દૂર રહો. માત્ર લાલ માંસ જ નહીં, પરંતુ આવા દર્દીઓએ તમામ પ્રકારના નોન-વેજ ફૂડનું સેવન ઓછું કરવું જોઈએ.

વાંચવા જેવું: 60 વર્ષની ઉંમરે પણ હેલ્ધી રહેવું છે? તો રોજ રાત્રે આ ચીજ મિલાવીને પીવાનું શરૂ કરી દો હૂંફાળું દૂધ

તળેલા ખોરાકને ટાળવો જોઈએ
તળેલા ખોરાકનું સેવન કરવાથી પણ કોલેસ્ટ્રોલનું પ્રમાણ ઝડપથી વધે છે. સમોસા, પકોડા, ઓનિયન રિંગ્સ સહિતના તળેલા ખોરાકને ટાળવા જોઈએ. તળતી વખતે આ ખોરાકની ઊર્જા ડેન્સિટી અને કેલરીની સંખ્યા વધે છે. તેનાથી સ્વાસ્થ્યને નુકસાન થઈ શકે છે. પ્રોસેસ્ડ ફૂડનું સેવન પણ નુકસાનકારક છે. કૂકીઝ, કેક અને પેસ્ટ્રી મોટાભાગે મોટા પ્રમાણમાં માખણ અને શોર્ટનિંગ સાથે બનાવવામાં આવે છે. જેથી તેમની કોલેસ્ટ્રોલની માત્રા વધી જાય છે.  આ વસ્તુઓથી પણ બચવું જોઈએ. એટલું જ નહીં, ખાંડયુક્ત પીણાં, સોડા અને ઘણી બધી મીઠાઈઓનું સેવન ન કરવું જોઈએ. આ વસ્તુઓનું સેવન કરવાથી કોલેસ્ટ્રોલ ઝડપથી વધી શકે છે.