Gold Silver Price / ભાવમાં સતત 4 દિવસના ઘટાડા બાદ સોના-ચાંદીનો ચળકાટ ફરીથી વધ્યો, જુઓ નવા રેટ

સોના અને ચાંદીના ભાવ છેલ્લા ચાર દિવસમાં રેકોર્ડ તૂટી ગયા છે. ચાંદી તેના રેકોર્ડ હાઇ લેવલથી લગભગ 2 લાખ રૂપિયા ઘટી ગઈ છે, જ્યારે સોનાના ભાવમાં 56 હજાર રૂપિયાનો ઘટાડો થયો છે. આ ઘટાડો સોના અને ચાંદીના ભાવમાં સતત શોર્ટ સેલિંગ અને વેચાણ દબાણને કારણે છે.

29 જાન્યુઆરીએ, વાયદા બજારમાં ચાંદીનો ભાવ 4.20 લાખ રૂપિયાની હાઇ લેવલને ટચે પહોંચ્યો હતો, પરંતુ 2 ફેબ્રુઆરી સુધીમાં તે ઘટીને 2.25 લાખ રૂપિયા થઈ ગયો હતો. માત્ર ચાર દિવસમાં, તેમાં લગભગ 2 લાખ રૂપિયાનો ઘટાડો થયો હતો. 2 ફેબ્રુઆરીના રોજ, તે ફ્યુચર્સ માર્કેટમાં લગભગ ત્રણ વખત લોઅર સર્કિટ લગાવ્યો હતો. તેવી જ રીતે, રવિવારે પણ, તેણે ત્રણ વખત લોઅર સર્કિટ જાવો મળ્યો હતો.

તેવી જ રીતે, 29 જાન્યુઆરીએ સોનાનો ભાવ 1.93 લાખ રૂપિયાના રેકોર્ડ હાઇ લેવલને વટાવી ગયો હતો, જ્યાંથી તે 2 ફેબ્રુઆરીએ આશરે 56 હજાર રૂપિયા ઘટીને 1.37 લાખ રૂપિયા પર પહોંચી ગયો હતો.

ઘટાડા પછી, રિકવરી આવી, શું બન્યુ બોટમ ?

MCX પર 2 ફેબ્રુઆરી (સોમવાર) ના રોજ, ચાંદી 12:30 વાગ્યા સુધીમાં 39 હજાર રૂપિયા ઘટીને 2.25 લાખ રૂપિયા પહોંચી ગઈ, પરંતુ સાંજે 5 વાગ્યા સુધીમાં આ ઘટાડો 6 હજાર રૂપિયા થઈ ગયો, જે 2.60 લાખ રૂપિયા પર પહોંચી ગયો. આનો અર્થ એ થયો કે નિચલા સ્તરથી ચાંદીમાં ખરીદી વધી રહી છે. તેવામાં માનવામાં આવે છે કે ચાંદી હવે તળિયે પહોંચી ગઈ છે.

તેવી જ રીતે, સોમવારે બપોરે 12: 30 વાગ્યા સુધીમાં સોનાનો ભાવ પણ લગભગ 10,000 રૂપિયા ઘટીને 1.37 લાખ રૂપિયાની ઉપર ટ્રેડ થયો હતો, પરંતુ સાંજે 5 વાગ્યા સુધીમાં ખરીદી વધી ગઈ અને તે પણ 1.50 લાખ રૂપિયાથી ઉપર પહોંચી ગયો.

શું કહે છે એક્સપર્ટ્સ ?

માર્કેટ એનાલિસ્ટ્સ મુજબ, આ ઘટાડો પ્રોફિટ બુકિંગને કારણે હતો, કોઈ મોટી સ્ટ્રક્ચરલ વીકનેસ નથી. તેથી, નીચા સ્તરે થોડી ખરીદી થઈ રહી છે.સોના માટે ટેકનિકલ સપોર્ટ લેવલ 1,40,000 રુપિયા – 1,45,000રુપિયા ની આસપાસ જોવા મળે છે. જો આ સ્તરે ખરીદી ફરી શરૂ થાય, તો મજબૂત રિકવરી આવી શકે છે. જોકે, જો સોનું 1.55થી ઉપર બંધ થાય છે, તો ફરી એક તેજી શરૂ થઈ શકે છે.

આ દરમિયાન ચાંદીને સપોર્ટ 2,44,000 રુપિયા અને 2,55,500 રુપિયા ની વચ્ચે ટેકો મળવાની ધારણા છે. આ ઝોનની આસપાસ ખરીદીની ગતિવિધિ વધી શકે છે, જેના કારણે ચાંદીના ભાવમાં ફરી એક તેજી આવી શકે છે.અમુક એક્સપર્ટ્સનું કહેવુ છે કે, આ ઘટાડો લાંબા ગાળાના તેજીના ટ્રેંડનો ભાગ નથી. આ એક નાનો સુધારો છે જે બુલિયન બજારમાં ખરીદીની તક પૂરી પાડી રહ્યો છે. જો સપોર્ટ સ્તર પર માંગ જળવાઇ રહે છે, તો વધુ લાભ શક્ય છે.

DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ પણ હોઇ શકે છે. આથી કોઈ પણ જ ગ્યાએ રોકાણ કે બિઝનેસને લગતો વહીવટ કરતા પહેલા એક વાર માર્કેટ નિષ્ણાંતની સલાહ લેવી આવશ્યક છે. અન્યથા https://www.vtvgujarati.com/ કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.