- ગોલ્ડ અને શેર બંનેમાં રોકાણ સતત વધી રહ્યું છે
- રોકાણકારોને આ બંનેમાંથી મજબૂત વળતર મળી રહ્યું છે
- સોનામાં કે પછી શેરબજારમાં રોકાણ કરવું એ નફાકારક સોદો છે?
ગોલ્ડ અને શેર બંનેમાં રોકાણ સતત વધી રહ્યું છે અને તેની સાથે રોકાણકારોને આ બંનેમાંથી મજબૂત વળતર મળી રહ્યું છે. જો કે વાર્ષિક ધોરણે બંનેના વળતરમાં વધઘટ જોવા મળે છે, પરંતુ છેલ્લા 15 વર્ષના ડેટા પર નજર કરીએ તો, સોના અને શેર બંનેએ તેમના રોકાણકારોને લગભગ 500 ટકા નફો આપવાનું કામ કર્યું છે. એવામાં ચાલો જાણીએ કે સોનામાં રોકાણ કરવું વધુ સારું છે કે પછી શેરબજારમાં રોકાણ કરવું એ નફાકારક સોદો છે?
સૌથી પહેલા વાત કરીએ ગોલ્ડ અને સેન્સેક્સમાંથી મળેલા રિટર્નની, તો જણાવી દઈએ કે છેલ્લા 17 વર્ષમાં બંનેએ પોતાના રોકાણકારોને 500 ટકા સુધીનો નફો આપ્યો છે. વર્ષ 2006માં જ્યાં સોનાની કિંમત 10,000 રૂપિયા પ્રતિ 10 ગ્રામની આસપાસ હતી ત્યાં સેન્સેક્સ પણ આ આંકડા પર કારોબાર કરી રહ્યો હતો. પછી તે વધતો રહ્યો અને હવે જ્યાં સોનાનો ભાવ રૂ. 61,500ના સ્તરે પહોંચી ગયો છે, ત્યાં સેન્સેક્સ પણ 63,000ના સ્તરે ટ્રેડ થઈ રહ્યો છે. એટલે કે બંને આ સમયગાળા દરમિયાન 60,000ને પાર કરી ગયા છે.
17 વર્ષમાં ગોલ્ડ અને સેન્સેક્સની સફર
આ આંકડાઓ જોઈને જે વાત સામે આવ્યું એ મુજબ 2006 પછી જ્યાં સેન્સેક્સમાં તીવ્ર ફેરફારો અને ઉતાર-ચઢાવ જોવા મળ્યા, ત્યાં સોનાના ભાવ સતત વધતા અને ઘટતા રહ્યા. જોકે હવે બંનેનું સ્તર લગભગ સરખું છે. આ કિસ્સામાં રોકાણના દૃષ્ટિકોણથી જો કોઈ રોકાણકારે બંનેમાં એક લાખ રૂપિયાનું રોકાણ કર્યું હોત, તો આ સમયગાળામાં તે લગભગ 5 લાખ રૂપિયા કે તેથી વધુ થઈ ગયું હોત.
છેલ્લા 10 વર્ષમાં સોના અને સેન્સેક્સમાંથી વળતરની દ્રષ્ટિએ સેન્સેક્સ ચોક્કસપણે વધુ સારો રહ્યો છે.
સેન્સેક્સ અને સોનામાં રોકાણ વચ્ચેનો તફાવત
એ સમજવું ખૂબ જ મહત્વપૂર્ણ છે કે સેન્સેક્સ અને સોનામાં રોકાણમાં શું તફાવત છે અને કયું વધુ જોખમી છે. જણાવી દઈએ કે બોમ્બે સ્ટોક એક્સચેન્જ (BSE) પર લિસ્ટેડ દેશની મોટી કંપનીઓ લિસ્ટેડ છે. આ 30 શેરોનો ઇન્ડેક્સ છે, જે દરેક ટ્રેડિંગ દિવસે અપડેટ થાય છે. શેરમાં રોકાણ કરવામાં સામેલ જોખમ ઊંચું હોય છે કારણ કે જો કોઈ શેર તેજી પકડે તો રોકાણકારોના નાણાં એક ક્ષણમાં બમણા-ત્રણ ગણા વધી જાય છે, જ્યારે શેર તૂટે છે તો તેમનું રોકાણ પણ તે જ ગતિએ ઘટે છે.
બીજી બાજુ સોનાને પરંપરાગત રીતે રોકાણનું શ્રેષ્ઠ અને સલામત સ્વરૂપ માનવામાં આવે છે. આ જ કારણ છે કે ભારત વિશ્વમાં સોનાનો સૌથી મોટો ગ્રાહક છે. દેશમાં સોના વિશેની માન્યતાઓ પણ આ વપરાશમાં મોટો ફાળો ધરાવે છે.
