- ભરૂચમાં ખારી સિંગ જેટલી જ ઘારી પણ પ્રચલિત
- રાણા પંચ 44 વર્ષથી બનાવે છે ઘારી
- ચંદી પડવામાં ઘારી આરોગવાની પરંપરા
- શરદ પૂર્ણિમાએ તૈયાર કરાય છે હજારો કિલો ઘારી
- દેશ-વિદેશમાં પ્રચલિત છે રાણા પંચની ઘારી
ભરૂચમાં ખારી સિંગ જેટલી જ ઘારી પણ વિશ્વમાં પ્રચલિત બની ગઈ છે. ઘારી બનાવવામાં વાપરવામાં આવતા એલચી બદામ પિસ્તા સહિતનું ડ્રાયફ્રુટ પીસવા માટે જ 20થી 25 દિવસ લાગે છે અને શરદપૂર્ણિમાના 5 દિવસ પૂર્વે જ ઘારીને મોટા પ્રમાણમાં તૈયાર કરવામાં આવે છે. અને આ વખતે ઘી અને ડ્રાયફ્રુટના ભાવમાં વધારો થતા ઘારીમાં કિલો દીઠ રૂપિયા 20નો વધારો કરાયો હોવાનું માનવામાં આવે છે.
રાણા પંચની ઘારી સ્વાદ સાથે સસ્તી પણ હોવાના કારણે માત્ર ભરૂચ જિલ્લાના જ નહીં પરંતુ ગુજરાતના અન્ય જિલ્લાના લોકો પણ ભરૂચમાં ઘારી ખરીદતા હોય છે અને રાણા પંચ દ્વારા તૈયાર થતી ઘારી મુંબઈ હૈદરાબાદ, જયપુર, ઇન્દોર, સિંગાપોર સુધી સપ્લાય થાય છે અને ઘારીનો સ્વાદ કંઈક અલગ જ હોવાનો ગ્રાહકો અનુભવ કરી રહ્યા છે.આ વખતે ઘીમાં 70 રૂપિયાનો ભાવ વધારો તથા ડ્રાયફ્રુટમાં 50% વધારો થતા ઘારીમાં કિલો દીઠ ₹20 નો વધારો કરાયો હોવાનું માનવામાં આવે છે
શરદપૂર્ણિમાએ ઘારીની બનાવટમાં સમગ્ર સમાજના લોકો જોડાઈ જતા હોય છે અને ઘારીના વ્યવસાયમાંથી નીકળતો નફો સમાજના હિતમાં જ વપરાતો હોય છે. આ વખતે ઘારીના વ્યવસાયના નફામાંથી સમાજના 60 જેટલા લોકોને તિરૂપતિ બાલાજીના દર્શન કરાવવા માટે લઈ જવાનાર હોવાનું સમાજના પ્રમુખ સનત રાણાએ જણાવ્યું હતું.એક ગ્રાહક શંકર ભાઈ બોમ્બેવાળાએ કહ્યું કે રાણા સમાજ દ્વારા જે ઘારી બનાવવામાં આવે છે એ હું છેલ્લા 30 વર્ષથી ખરીદી રહ્યો છું.અને માર્કેટમાં મળતી ઘારીના ભાવમાં અને અહીની ઘારીના ભાવમાં 40થી 50 રૂપીયાનો ફરક પડે છે. રાણા સમાજનું ઘારી ભરૂચમાં મળતી બેસ્ટ ઘારી છે અને એની ટેસ્ટ પણ ખૂબ જ સારો છે.
વધુમાં ગ્રાહકે કેહ્યું કે હું અંકલેશ્વરથી ભરૂચ રહેવા આવ્યો છું ત્યારથી રાણા સમાજ દ્વારા બનાવવામાં આવતી ઘારી લઈ જાવ છું.અહીંયાની ઘારી નો ટેસ્ટ બધા કરતા બધા કરતા અલગ હોય છે. હું બીજી કોઈ જગ્યાએ થી લેતો નથી અહીંયાથી જ ઘારી ની ખરીદી કરું છું.
