રાજકારણ / હું તો મે મહિનામાં શિમલા બનાવી દઉં છું: CM યોગીના ગરમી ઉતારવાના નિવેદન પર વિપક્ષ બગડ્યું

• સીએમ યોગીના નિવેદનને લઈ તેઓ ચર્ચામાં 
• વિપક્ષે સોશિયલ મીડિયામાં સીએમ યોગી પર પ્રહાર કર્યા 
• મે મહિનામાં શિમલા બનાવુંના નિવેદનથી રાજકારણમાં ગરમાવો 

ઉત્તરપ્રદેશના મુખ્યમંત્રી યોગી આદિત્યનાથે ગત રવિવારે એવું નિવેદન આપ્યું હતું કે આ જે ગરમી અત્યારે કૈરાના અને મુજફ્ફરનગરમાં જોવા મળી રહી છે તે અમુક જગ્યાએ જોવા મળી રહી છે. હું તો મે અને જૂનની ગરમીમાં પણ શિમલા બનાવી દઉ છું. સીએમ યોગીનો આ કાર્યક્રમ હાપુડના પિલખુઆમાં થયો હતો અને તેમના નિશાના પર આખું પશ્ચિમ ઉત્તરપ્રદેશ હતું. જોકે તેમના નિવેદન બાદ ઉત્તરપ્રદેશના રાજકારણમાં ગરમાવો આવ્યો છે. 

ચન્દ્ર શેખર આઝાદે ટ્વીટ કરી પ્રહાર કર્યા 

યોગી આદિત્યનાથના નિવેદન પર ભીમ આર્મીના ચંન્દ્ર શેખર આઝાદ દ્વારા ટ્વિટ કરવામાં આવ્યું જેમા તેમણે પલટવાર કરતા એવું કહ્યું કે મે અને જૂનની ગરમીમાં મુખ્યમંત્રી શિમલા બનાવી શકે છે. પરંતુ તેમના ગૃહમાં એક માતા ન્યાય માટે આંસૂ વહાવે તો તેને ન્યાય નથી અપાવી શકતા. સાથેજ તેમણે કહ્યું મે જોયું છે કે ગોરખપુરમાં ઘણા બધા લોકો દર્દ છુપાવીને બેઠા છે. જેથી આસુઓનો હિસાબતો આપવો પડશે. 

અરુણ રાજભરે પણ પલવાર કર્યો 

ઓપી રાજભરના પુત્ર અરુણ રાજભરે સીએમ યોગી પર પલટવાર કરતા કહ્યું કે સંત આ રીતની ભાષા ન વાપરી શકે આ ભાષાતો એક ગુંડાની છે. સાથેજ તેણે એવું પણ કહ્યું કે આવા ગુંડાઓનો ફરી રડવાનો સમય આવી ગયો છે. ઉત્તરપ્રદેશની જનતા હવે પરિવર્તન કરવા જઈ રહી છે. યોગી આદિત્યનાથના નિવેદન પર સામાન્ય લોકો પણ તેમની પ્રતિક્રિયાઓ આપી રહ્યા છે.

પશ્ચિમ યુપીના મતદાતાઓ મનાવી રહ્યું છે ભાજપ  

ઉલ્લેખનીય છે કે ભાજનો પ્રયાસ પશ્ચિમ યુપીમાં જે નારાજ મતદાતા છે તેમને મનવાનો છે. અમિતશાહ સહિત ભાજપના ઘણા મોટા નેતાઓ પશ્ચિમ યુપીમાં ડેરો નાખીને બેઠા છે. વિપક્ષ પણ ભાજપ પર ઘર્મની રાજનીતિ કરવાના આરોપ લગાવી રહી છે. જ્યારે બીજી તરફ ભાજપ દ્વારા હવે પલાયન, ધમાલ અને વિકાસ મુદ્દે વોટ માંગવામાં આવી રહ્યા છે.