- કાનપુરમાં ગે-લૂંટારુઓનો મામલો સામે
- સમલૈંગિકોનાં નગ્ન વીડિયો લઈ કરતાં હતાં બ્લેકમેઈલ
- ગે લૂટારુંઓનાં 6 આરોપીઓની કરવામાં આવી ધરપકડ
કાનપુરમાં ગે-લૂંટારુઓનો મામલો સામે આવ્યો છે. આ ગેંગ, એપની મદદથી Gay લોકોને પોતાની જગ્યાએ બોલાવતાં હતાં અને ત્યારબાદ તેમનાં નગ્ન વીડિયો બનાવીને બ્લેકમેઈલ કરતા હતાં. નવાઈની વાત તો એ છે કે આ તમામ ગે-લૂંટારુઓ વિદ્યાર્થીઓ જ છે અને કાનપુરમાં ભણવા માટે આવ્યાં છે. પરંતુ અહીં આવીને લોકોને પરેશાન કરવાનાં કામ કરવા લાગ્યાં છે. કાનપુરમાં પોલીસે હાલમાં 6 લોકોની ધરપકડ કરી છે. આ તમામ ગે વિદ્યાર્થીઓ હતાં જે "બ્લૂએડ" એપનાં માધ્યમથી બીજા સમલૈંગિક લોકોને ફસાવતાં હતાં.
સમલૈંગિકોને ટાર્ગેટ કરતી હતી ગેંગ
શરમનાં કારણે પીડિતો આ બાબતે ફરિયાદ નોંધાવી શકતાં નહોતાં અને પૈસા આપીને મામલો સમાપ્ત કરી દેતાં હતાં. આ જ ભયનો ફાયદો ઊઠાવીને આ ગેંગ વધુને વધુ લોકોને ટાર્ગેટ કરતાં હતાં. સૌથી પહેલાં તેઓ આ એપ પર પોતાની I'd બનાવતાં હતાં અને પછી કાનપુરમાં રહેતાં સમલૈંગિકોનો સંપર્ક કરતાં હતાં.
UPIનો પાસવર્ડ જણાવવા ફોર્સ કરતાં હતાં
તમામ 6 વિદ્યાર્થીઓ કાનપુરની આસપાસનાં જિલ્લાઓમાંથી અહીં ભણવા માટે આવ્યાં હતાં. આ લોકો SSC અને પોલિટેકનિકનું ભણતર લઈ રહ્યાં હતાં. એપનાં માધ્યમથી ગેંગ અન્ય ગેને બોલાવતાં હતાં અને ડ્રીંક કરાવ્યાં બાદ તેમનો ન્યૂડ વીડિયો બનાવતાં હતાં. વીડિયો બનાવ્યાં બાદ ધમકી આપતાં હતાં કે જો UPIનો પાસવર્ડ ન જણાવ્યો તો વીડિયો ઈંટરનેટ પર વાયરલ કરી દેશે. આ કામ કરવા માટે ગેંગએ એક જગ્યા ભાડે પણ લીધી હતી.
અત્યારસુધીમાં 12 પીડિતોની મળી જાણકારી
પોલીસ આ મામલે તપાસ કરી રહી છે. પોલીસ એ શોધવા મથી રહી છે કે હજુ કેટલા લોકો ગેંગમાં શામેલ છે. હજુ કેટલા લોકોને ગેંગે ટાર્ગેટ બનાવ્યાં છે. પોલીસ અનુસાર અત્યાર સુધીમાં આશરે 12 જેટલા પીડિતોની જાણકારી મળી આવી છે પરંતુ આ સંખ્યા 50-60 સુધી પહોંચી શકે છે. તમામ આરોપીઓ આ કામ પૈસા કમાવા માટે કરતાં હતાં.
